ءقازىر 131 ميلليون دوللار قايتارىلادى دەپ كۇتىلىپ وتىر.
وزبەكستاننىڭ بۇرىنعى پرەزيدەنتى يسلام كارىموۆتىڭ قىزى گۇلنار كارىموۆانىڭ اقشاسى ەلگە قايتارۋ ءۇشىن بىرىككەن ۇلتتار ۇيىمىنىڭ كوپجاقتى سەنىم قورىن قۇرادى، دەپ حابارلايدى Almaty-akshamy.kz وزبەكستاننىڭ ادىلەت مينيسترلىگىنە سىلتەمە جاساپ.
مينيسترلىك ۇسىنعان اقپارات بويىنشا، وزبەكستان كارىموۆا مەن ونىڭ سىبايلاستارى ەلدەن زاڭسىز اكەتكەن اكتيۆتەردى قايتارۋ ماسەلەسى بويىنشا شۆەيساريا، اقش، فرانسيا، رەسەي جانە باسقا ەلدەردىڭ ورگاندارىمەن جۇمىس ىستەپ جاتىر.
«2022 جىلدىڭ 11 اقپانىندا شۆەيساريا مەن وزبەكستان كەزدەسۋ ۇيىمداستىرعان. جيىندا ەكى دەلەگاسيا دا بىرىككەن ۇلتتار ۇيىمىنىڭ كوپجاقتى سەنىم قورىن قۇرۋعا كەلىسكەن. قور گۇلنار كارىموۆاعا قاتىستى قىلمىستىق ءىس جۇرگىزۋ شەڭبەرىندە تۇپكىلىكتى تاركىلەنگەن اكتيۆتەردى قايتارۋ ءۇشىن پايدالانىلاتىن بولادى»، – دەلىنگەن حابارلامادا.
ءقازىر 131 ميلليون دوللار قايتارىلادى دەپ كۇتىلىپ وتىر. بۇل قارجى وزبەكستاننىڭ ءال-اۋقاتىن جاقسارتۋعا جۇمسالماق.