ءتيىستى كەلىسىمگە ەكى ەلدىڭ ۇكىمەتى سياندا قول قويعان بولاتىن
بۇگىننەن باستاپ قىتايعا ۆيزاسىز رەجيم كۇشىنە ەنەدى، دەپ حابارلادى اlmaty-akshamy.kz.
ءتيىستى كەلىسىمگە ەكى ەلدىڭ ۇكىمەتى سياندا قول قويعان بولاتىن. بۇل كەلىسىمگە سايكەس، ەكى ەلدىڭ ازاماتتارى جەكە ىستەر، تۋريزم، ەمدەۋ، حالىقارالىق تاسىمالدار، ترانزيت، سونداي-اق ىسكەرلىك ماقساتتاردى ىسكە اسىرۋ ءۇشىن ۆيزالىق تالاپتاردان بوساتىلادى.
بۇل رەتتە ازاماتتاردىڭ ەكى مەملەكەتتىڭ اۋماعىندا بولۋ مەرزىمى مەملەكەتتىك شەكارانى كەسىپ وتكەن ساتتەن باستاپ 30 كۇنتىزبەلىك كۇننەن، ال 180 كۇنتىزبەلىك كۇن ىشىندە جيىنتىق 90 كۇنتىزبەلىك كۇننەن اسپاۋعا ءتيىس.
ەگەر ازاماتتارعا 30 كۇننەن ارتىق بولۋ قاجەت بولعان جاعدايدا ءتيىستى ساناتتاعى كىرۋ ۆيزاسىن الدىن الا راسىمدەۋ قاجەت. ۆيزاسىز رەجيم جۇمىسقا ورنالاسۋعا، وقۋعا جانە ميسسيونەرلىك قىزمەتكە رۇقسات بەرمەيدى.