5 پايىز قاتىسۋشى ەشقانداي تاڭداۋ جاساماعان.
اقش پرەزيدەنتىن سايلاۋ 2024 جىلعى 5 قاراشادا وتەدى، دەپ حابارلايدى aqshamnews.kz
امەريكا قۇراما شتاتتارىنداعى ساۋالنامالارعا سايكەس، كەي شتاتتاردى دونالد ترامپتى قولدايتىن سايلاۋشىلاردىڭ پايىزى پرەزيدەنتتىككە ۇمىتكەر كامالا حارريسكە قاراعاندا جوعارى بولعان.
The Hill باسىلىمىنىڭ مالىمەتىنشە، شتاتتاردا ساۋالناماعا قاتىسقان سايلاۋشىلاردىڭ 48 پايىزى رەسپۋبليكالىق پارتيانىڭ كانديداتى، بۇرىنعى پرەزيدەنت دونالد ترامپقا داۋىس بەرەتىنىن ايتقان. دەموكراتيالىق پارتيانىڭ كانديداتى، ۆيسە-پرەزيدەنت كامالا حارريسكە كەلسەك، بۇل كورسەتكىش 47 پايىز بولعان. الايدا 5 پايىز قاتىسۋشى ەشقانداي تاڭداۋ جاساماعان.
گارۆاردتىڭ CAPS ورتالىعىنىڭ ديرەكتورى مارك پەنن: "ترامپتىڭ اۋىتقىمالى شتاتتارعا نازار اۋدارۋ ستراتەگياسى ناتيجەسىن بەرىپ وتىر"، - دەدى.
ساۋالناما 11-13 قازاندا جۇرگىزىلگەن. سونىمەن قاتار سوڭعى ABC News جالپىۇلتتىق ساۋالناماسىنا سايكەس، سايلاۋشىلاردىڭ 50 پايىزى حارريسكە داۋىس بەرگەن، ترامپتى قولداعاندار 48 پايىز بولعان. تەلەارنانىڭ مالىمەتىنشە، ساۋالناما 4-8 قازان ارالىعىندا 2631 رەسپوندەنت اراسىندا اعىلشىن جانە يسپان تىلدەرىندە ونلاين رەجيمىندە جۇرگىزىلگەن.