الماتىدا “ميگرانت” وپەراسياسى جۇرگىزىلدى.
ونىڭ اياسىندا كوشى-قون ەرەجەلەرىن بۇزعانى ءۇشىن ەل اۋماعىنان 7 افريكالىق ازامات شىعارىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
الماتى قالاسىنىڭ پوليسەيلەرى كوشى-قون ەرەجەلەرىن بۇزعانى ءۇشىن ەل اۋماعىنان شىعارىپ جىبەرۋ تۋرالى سوت شەشىمدەرىن ورىنداۋدان قاشىپ جۇرگەن شەتەلدىكتەردى انىقتاۋ شارالارىن جۇرگىزىپ جاتىر. ءىس-شارانىڭ ءۇش كۇنىندە كوشى-قون زاڭناماسىن بۇزعانداردى ەل اۋماعىنان شىعارۋ تۋرالى 504 سوت شەشىمى شىقتى. 62 شەتەلدىك كۇشتەپ شىعارىلدى. ولاردىڭ بارلىعىنا 5 جىلعا دەيىن قازاقستانعا كىرۋگە تىيىم سالىندى.
وسىلايشا پوليسەيلەر الماتى قالاسى اكىمدىگىنىڭ كومەگىمەن افريكا كونتينەنتىنىڭ 7 تۇرعىنىن ازاماتتىق العان ەلدەرىنە كۇشتەپ شىعارىپ جىبەردى. اتالعان شەتەلدىكتەر بەلگىلەنگەن مەرزىمدە قازاقستاننان شىقپاي، ەلىمىزدىڭ كوشى-قون زاڭناماسىن بۇزىپ، سوت قاۋلىسىمەن ق ر شەگىنەن شىعارىپ جىبەرۋ تۇرىندەگى اكىمشىلىك جازاعا تارتىلدى. سونىمەن قاتار پوليسيا ءتارتىپ بۇزۋشى شەتەلدىكتەردى شاقىرعان ۇيىمداردى اكىمشىلىك جاۋاپكەرشىلىككە تارتىپ، 90 مىڭ تەڭگە كولەمىندە ايىپپۇل سالدى. سونداي-اق بۇل ۇيىمدارعا شىعارىپ جىبەرۋگە جۇمسالعان قاراجاتتىڭ ورنىن تولتىرۋ تۋرالى تالاپ قويىلدى. كوشى-قون قىزمەتى ەلگە شەتەلدىكتەردى شاقىراتىن قازاقستاندىقتارعا شاقىرىلعان شەتەلدىك ازاماتتاردىڭ ەلدەن ۋاقىتىلى شىعارۋىن ۇيىمداستىرۋ قاجەتتىگىن ەسكە سالادى.