الماتىدا ناۋرىز مەيرامىن تويلاۋ جالعاسىپ جاتىر. بۇگىنگى ىنتىماق كۇنى قالا كوشەلەرىمەن «كوش. ناۋرىز – دۋمان» اتتى تەاترلاندىرىلعان كەرۋەن ءوتتى. وعان ۇلتتىق كيىم كيگەن 1000-نان استام ادام قاتىستى.
باتىر، بۇركىتشى، اقىن جانە باسقا دا وبرازداعى ادامدار قالا تۇرعىندارى مەن قوناقتارىن قۋانتتى. اجەلەردىڭ شاشۋى مەن اقىنداردىڭ ولەڭى كەرۋەنگە اجارىن اشا ءتۇستى. ارباداعى كيىز ءۇي، قىز كۇيمەسى، قورجىنعا جىبەك ماتا مەن كىلەم ارتقان تۇيەلەر، سونىمەن قاتار، قازاق حالقىنىڭ جەتى قازىنا نىشاندارى ۇلتتىڭ مادەنيەتى مەن ءداستۇرىنىڭ تامىرى تەرەڭدە ەكەنىن ەسكە سالدى.
كەرۋەن اباي اتىنداعى الاڭدا باستالىپ، استانا الاڭىندا مارەگە جەتتى، وندا بۇگىن قالا تۇرعىندارى مەن قوناقتارى ءۇشىن 1000-نان استام ارتيستەردىڭ قاتىسۋىمەن نەگىزگى مەرەكەلىك كونسەرت وتەدى.
ايتا كەتەيىك، بۇگىن جانە ەرتەڭ قالانىڭ بارلىق اۋدانىندا كونسەرتتەر مەن باسقا دا مەرەكەلىك ءىس-شارالار ۇيىمداستىرىلادى.
الاتاۋ اۋدانىندا كونسەرتتىك باعدارلاما 21-23 ناۋرىز ارالىعىندا ساعات 11:00-دەن 14:00-گە دەيىن «الاتاۋ» ءداستۇرلى ونەر تەاترىنىڭ الدىنداعى الاڭدا (نۇركەنت ش/ا.، 6) ءۇش كۇن بويى وتەدى.
اۋەزوۆ اۋدانىندا كونسەرتتىك باعدارلاما 22 ناۋرىزدا ساعات 11:00-دەن 15:00-گە دەيىن اۋدان اكىمدىگىنىڭ الدىنداعى الاڭدا (التىنسارين داڭعىلى، 23) وتەدى.
بوستاندىق اۋدانىندا كيىز ۇيلەر كورسەتىلىمى، قولدان جاسالعان بۇيىمدار كورمەسى جانە كونسەرتتىك باعدارلاما 21 ناۋرىزدا ساعات 11:00-دەن 14:00-گە دەيىن «MEGA Center Alma-Ata» سوو الدىنداعى الاڭدا (روزىباكييەۆ كوشەسى، 247ا) وتەدى.
جەتىسۋ اۋدانىندا قازاقستاندىق ەسترادا جۇلدىزدارىنىڭ قاتىسۋىمەن كونسەرتتىك مەرەكەلىك ءىس-شارالار 21 ناۋرىزدا قۇلاگەر شاعىن اۋدانىنداعى «گۇلدەر» ساياباعىندا (سەرىكوۆ كوشەسى، 2ا) ساعات 10:00-دەن 14:00-گە دەيىن وتەدى.
تۇركسىب اۋدانىندا ۇلتتىق سپورت تۇرلەرى بويىنشا كورسەتىلىمدەرى بار مەرەكەلىك كونسەرتتەر 21 ناۋرىز كۇنى ساعات 11:00-دەن 15:00-گە دەيىن س.سەيفۋللين اتىنداعى ساياباقتا (شولوحوۆ كوشەسى مەن ششەرباكوۆ كوشەسىنىڭ قيىلىسى) وتەدى.
ناۋرىزباي اۋدانىندا كونسەرتتىك باعدارلاما 22 ناۋرىز كۇنى ساعات 11:00-دەن 15:00-گە دەيىن اباي داڭعىلىندا (الاتاۋ داڭعىلى مەن سترويتەلنايا كوشەسىنىڭ اراسىندا) وتەدى.
المالى اۋدانىندا نەگىزگى ءىس-شارالار «استانا» الاڭىندا وتەدى: 21 ناۋرىز 11:00-دەن 22:00-گە دەيىن جانە 22 ناۋرىز 12:00-دەن 22:00-گە دەيىن مەرەكەلىك باعدارلاما، تەاترلاندىرىلعان شوۋ، سيرك ارتىستەرىنىڭ قويىلىمى، ۇلتتىق سپورت تۇرلەرى بويىنشا ويىندار جانە ت.ب.
الماتىنىڭ ارباتىندا (جىبەك جولى داڭعىلى مەن پانفيلوۆ كوشەسىنىڭ قيىلىسى) 21 ناۋرىز كۇنى ساعات 11:00-دەن 19:00-گە دەيىن قۋىرشاق تەاترىنىڭ اكتەرلەرى، حالىق جانرىنىڭ ارتيستەرى ونەر كورسەتەدى، سونىمەن قاتار، كىتاپ جارمەڭكەسى مەن قولونەرشىلەر كورمەسى وتەدى. 22 ناۋرىزدا ساعات 13:00-دەن 18:30-عا دەيىن ەتنو-فولكلورلىق ۇجىمدار ونەر كورسەتەدى.
سونداي-اق، پانفيلوۆ جاياۋ جۇرگىنشىلەر كوشەسىندە جۇرگەنوۆ اتىنداعى ءقازۇوا عيماراتىنىڭ الدىندا 21 ناۋرىز كۇنى ساعات 11:00-دەن 18:00-گە دەيىن قۋىرشاق تەاترىنىڭ، تانىمال مۋزىكالىق ۇجىمداردىڭ جانە ونەر اكادەمياسىنىڭ ستۋدەنتتەرىنىڭ مەرەكەلىك باعدارلاماسى وتەدى. 22 ناۋرىزدا ساعات 13:00-دەن 18:30-عا دەيىن ەتنومادەني بىرلەستىكتەردىڭ شىعارماشىلىق ۇجىمدارىنىڭ، «الماتى اۋەندەرى» ارتيستەرىنىڭ جانە ۆوكالدىق-اسپاپتىق ءانسامبلدىڭ قاتىسۋىمەن كونسەرتتىك باعدارلاما وتەدى.
مەدەۋ اۋدانىندا 21 ناۋرىز كۇنى ساعات 12:00-دە اباي اتىنداعى الاڭدا ناۋرىز مەيرامى اياسىندا ناۋرىزدى تويلايتىن ەلدەردىڭ مادەنيەتى مەن داستۇرلەرىن بىرىكتىرەتىن «Nauryz Fest» حالىقارالىق فەستيۆالى وتەدى. سونداي-اق، 21 جانە 22 ناۋرىزدا ساعات 19.00-دەن 22.00-گە دەيىن ەسترادا جۇلدىزدارىنىڭ قاتىسۋىمەن كونسەرت وتەدى.