قازاقستان حالىقارالىق ىزدەۋ جاريالاعان قىلمىسكەر بىشكەكتە ۇستالدى. قىرعىز رەسپۋبليكاسىنىڭ مەملەكەتتىك شەكاراسىن زاڭسىز كەسىپ ءوتۋ فاكتىسىنە قۇقىقتىق باعا بەرىلەدى
بىشكەك قالالىق ىشكى ىستەر باسقارماسى حالىقارالىق ىزدەۋدە جۇرگەن شەتەلدىكتىڭ ۇستالعانىن مالىمدەدى، دەپ حابارلايدى اlmaty-akshamy.kz.
قازاقستان رەسپۋبليكاسى قىلمىستىق كودەكسىنىڭ بابىمەن قوزعالعان قىلمىستىق ءىس بويىنشا حالىقارالىق ىزدەۋ جاريالانعان 1993 جىلى تۋعان شەت مەملەكەت ازاماتىنىڭ بىشكەك قالاسىنىڭ اۋماعىندا جاسىرىنىپ جۇرگەنى تۋرالى اقپارات ءتۇستى، – دەلىنگەن بىشكەك قالالىق ىشكى ىستەر باسقارماسىنىڭ مالىمدەمەسىندە.
وندا ەر ادامنىڭ باس بوستاندىعىنان ايىرۋ جازاسىن وتەۋدەن جالتارۋ بابى بويىنشا ىزدەۋدە جۇرگەنى اتاپ وتىلگەن. ناتيجەسىندە ءتارتىپ ساقشىلارى ونىڭ ورنىن انىقتاپ، ۇستاعان. ءقازىر قىلمىسكەر ۋاقىتشا ۇستاۋ يزولياتورىندا.
«كەيىن ەكستراديسيالاۋ جانە قىرعىز رەسپۋبليكاسىنىڭ مەملەكەتتىك شەكاراسىن زاڭسىز كەسىپ ءوتۋ فاكتىسىنە قۇقىقتىق باعا بەرۋ ماسەلەسى شەشىلەتىن بولادى»، – دەلىنگەن اقپاراتتا.