الماتىدا جامبىل اتىنداعى قازاق مەملەكەتتىك فيلارمونياسىنىڭ كىشى زالىندا حالىقارالىق مۇگەدەكتىگى بار ادامدار كۇنى مەن حالىقارالىق زاعيپتار كۇنىنە وراي «مەن سەنى سۇيەم، ءومىر» اتتى ۆوكالدىق بايقاۋ ءوتتى.
بۇل تۋرالى الماتى قالاسى مادەنيەت باسقارماسىنىڭ وكىلدەرى ايتتى، - دەپ حابارلايدى Aqshamnews.kz.
بايقاۋدى «قازاق زاعيپتار قوعامى» قوعامدىق بىرلەستىگىنىڭ الماتى قالالىق فيليالى الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىمەن بىرلەسىپ ۇيىمداستىردى. بايقاۋعا قالانىڭ مادەني جانە قوعامدىق ومىرىنە بەلسەندى قاتىسىپ جۇرگەن كورۋ قابىلەتى بۇزىلعان الماتى تۇرعىندارى قاتىستى.
بايقاۋعا بارلىعى ون ءۇش قاتىسۋشى قاتىسىپ، جۇزدەن استام كورەرمەن جينالدى.
«زال ونەرپازداردى قولداۋعا كەلگەن حالىقتا قيساپ جوق. كورەرمەن ولاردىڭ ومىرگە دەگەن قۇشتارلىعى مەن رۋحىنىڭ بيىكتىگىن، ءوز مۇمكىندىگىن جۇزەگە اسىرۋعا دەگەن تالپىنىسىن جوعارى باعالادى. بۇل بايقاۋ الماتىدا ءاربىر تۇرعىننىڭ، ومىرلىك جاعدايىنا قاراماستان قابىلەتىن اشۋىنا مۇمكىندىك بەرىلەتىنىن ايقىنداي ءتۇستى»، – دەدى جۇمىسپەن قامتۋ جانە الەۋمەتتىك باعدارلامالار باسقارماسىنداعىلار.
قازىلار القاسىنىڭ شەشىمىمەن باس جۇلدە كريستينا جەلۋدكوۆاعا بۇيىردى. ءبىرىنشى ورىندى اسىلبەك قۋانىشقالييەۆ يەلەنسە، ەكىنشى ورىنداردى دينارا ەشنياز بەن زيامات مۋسايەۆ ءبولىستى. ال ءۇشىنشى ورىندى كريستينا كرامارەنكو، ايجان جولدىبەكوۆا جانە ۆلاديمير ۋمەروۆكە مىسە تۇتتى.
ۇيىمداستىرۋشىلار مۇنداي يگى باستامالار ەرەكشە قاجەتتىلىگى بار جانداردى قولداۋعا، سونداي-اق ولاردىڭ قوعامنىڭ مادەني جانە قوعامدىق ومىرىنە بەلسەندى ارالاسۋىنا زور ىقپال ەتەتىنىن اتاپ ءوتتى.