الماتى قالاسى پوليسيا دەپارتامەنتىنىڭ ەكسترەميزمگە قارسى ءىس-قيمىل باسقارماسى جەدەل اقپاراتتى تەكسەرۋ بارىسىندا ەسىرتكى قۇرالدارىن زاڭسىز ساقتادى دەگەن كۇدىكپەن ەر ادامدى ۇستادى، – دەپ حابارلايدى Aqshamnews.kz.
ەسىرتكى زاتتارىن ساقتاۋ نەمەسە تاراتۋ فاكتىلەرى ورەسكەل قىلمىسقا جاتادى.
- ءبىزدىڭ مىندەتىمىز – مۇنداي قۇقىق بۇزۋشىلىقتاردى ەرتە كەزەڭدە انىقتاپ، كۇدىكتىلەردى وقشاۋلاۋ ارقىلى قالا تۇرعىندارىنا كەلۋى مۇمكىن ءقاۋىپتىڭ الدىن الۋ. پوليسيا الماتى كوشەلەرىندە قاۋىپسىزدىكتى قامتاماسىز ەتۋ باعىتىندا جۇيەلى جۇمىس جۇرگىزىپ كەلەدى، – دەدى الماتى قالاسى پد ەكسترەميزمگە قارسى ءىس-قيمىل باسقارماسى باستىعىنىڭ مىندەتىن اتقارۋشى دارحان ءابىقۇلوۆ.
تەكسەرۋ بارىسىندا كۇدىكتىدەن وسىمدىك تەكتەس ەسىرتكى – گاشيش تاركىلەندى. اتالعان زاتقا ءتيىستى ساراپتاما تاعايىندالدى. ەر ادام تەرگەۋ امالدارىن جۇرگىزۋ ءۇشىن پوليسيا بولىمىنە جەتكىزىلىپ، ۋاقىتشا ۇستاۋ يزولياتورىنا قامالدى. پوليسيا ازاماتتاردى ەسىرتكىگە قاتىستى كەز كەلگەن كۇماندى ارەكەتتەر تۋرالى دەرەۋ حابار بەرۋگە شاقىرادى جانە مۇنداي زاتتاردى ساقتاۋ مەن تاراتۋ قىلمىستىق جاۋاپكەرشىلىككە اكەلەتىنىن ەسكە سالادى.