كوروناۆيرۋس شەگىنبەي تۇر، ءبىراق دەرت جۇقتىرۋ باسەڭدەي باستادى.
وڭىرلىك كوممۋنيكاسيالار قىزمەتىنىڭ بريفينگىسىندە الماتى قالاسىنىڭ باس سانيتارلىق دارىگەرى جانداربەك بەكشين كارانتيندىك شارالاردىڭ باسەڭدەۋى تۋرالى ايتتى، سونىمەن قاتار ۆاكسينالانۋ ينفەكسيادان قورعاۋدىڭ ەڭ ءتيىمدى شاراسى ەكەنىن ەسكە سالدى، دەپ حابارلايدى Almaty-akshamy.kz
جانداربەك بەكشين سەنبى، 4 قىركۇيەكتەن باستاپ الماتىدا «ەپيدەميولوگيالىق احۋالدىڭ تۇراقتانۋىنا بايلانىستى» كارانتين باسەڭدەتىلەتىنىن حابارلادى.
قاۋلىعا سايكەس، دەمالىس كۇندەرى جۇمىسشىلار مەن كەلۋشىلەرگە Ashyq قوسىمشاسىندا «جاسىل ستاتۋسى» بار كاسىپكەرلەردىڭ نىساندارى رۇقسات ەتىلگەن – ولار ۆاكسينالانعان نەمەسە پتر-تەستىن ءبىر اپتادان از ۋاقىتتا تاپسىرعان. دۇيسەنبىدەن باستاپ جۇمىس كۇندەرى كاسىپكەرلىك نىساندارعا ءتۇن ورتاسىنا دەيىن جۇمىس ىستەۋگە رۇقسات ەتىلەدى.
«25 تامىزدان باستاپ ەپيدەميولوگيالىق جاعدايدىڭ تۇراقتانۋى «دەلتا» سovid-19 نۇسقاسىنان تۋىنداعان ەپيدەميانىڭ ءتورتىنشى تولقىنىنىڭ تومەندەۋىنەن بايقالادى. 2 قىركۇيەكتە دەرتتىڭ 1 859-دان 1 264 جاعدايعا دەيىن تومەندەۋى تىركەلدى. بۇل تومەندەۋ الماتى قالاسى حالقىنىڭ 45 پايىزدىق يممۋندىق قاباتىنىڭ قالىپتاسۋىمەن بايلانىستى. قازىرگى ۋاقىتتا كۇن سايىن كوروناۆيرۋسقا قارسى 3 مىڭعا جۋىق ادام ەكپە الۋدا»،- دەدى جانداربەك بەكشين.
بۇگىندە قالانىڭ جالپى تۇرعىندارىنىڭ سانىنان ءبىرىنشى كومپونەنتىمەن ۆاكسينالانۋ 44%-ى قۇرادى (878 336 ادام)، ەكىنشى كومپونەنت - 37،9% (756 156 ادام). جانداربەك بەكشيننىڭ ايتۋىنشا، يممۋندىق قاباتتىڭ 70%-نا دەيىن جانە ودان دا جوعارى بولۋىنا قول جەتكىزۋ كەرەك.
جىل باسىنان بەرى الماتىدا كۆي-دىڭ 130،9 مىڭ، تامىزدا 46،9 مىڭ جاعدايى تىركەلگەن.
سانيتارلىق-ەپيدەميولوگيالىق دەپارتامەنت باسشىسى ەپيدەميولوگيالىق زەرتتەۋلەردىڭ قورىتىندىسى بويىنشا 20-39 جاس ارالىعىنداعى ازاماتتاردا كوروناۆيرۋس جۇقتىرعاندار - 35%، 40-59 جاستاعىلار - 24% جانە 60 جاستان اسقاندار اراسىندا 23% ەكەنىن حابارلادى.
«وتكەن اپتادا كوروناۆيرۋستى جۇقتىرۋدىڭ نەگىزگى ورىندارى - ساۋدا نۇكتەلەرى - 33%، وتباسىلىق بايلانىس - 18%، قوعامدىق كولىكتەر - 17%، بازارلار - 13%»، - دەدى جانداربەك بەكشين.
الماتىنىڭ باس سانيتارلىق دارىگەرى كوروناۆيرۋستى جۇقتىرعان سيمپتومدى ناۋقاستاردىڭ سانى ءوسىپ كەلە جاتقانىن ايتتى - شامامەن 95%، «ۋحاندى» جۇقتىرعاندار - 50% جانە «بريتاندىق» شتامدى جۇقتىرعاندار - 81%.
«كوپتەگەن ادامدار دەرتتىڭ ءقاۋىپتى ەكەنىن جاقىندارىنان ايىرىلعاننان كەيىن عانا تۇسىنەدى. سانيتارلىق-ەپيدەميولوگيالىق تالاپتارعا كۇمانمەن قارايتىن، ماسكا رەجيمى مەن الەۋمەتتىك قاشىقتىقتى ەلەمەيتىن ادامدار ءالى دە بار. جاستار اۋرۋدىڭ گيپەرتاسىمالداۋشىلارى بولىپ قالا بەرەتىنىن ەسكە سالۋ قاجەت»، - دەيدى جانداربەك بەكشين.
شارالاردى جەڭىلدەتۋ سيفرلىق تەحنولوگيالاردى، ياعني Ashyq قوسىمشاسىن قولدانۋ ارقىلى مۇمكىن بولدى. ەپيدەميولوگيالىق جاعدايعا بايلانىستى نەگىزگى شەكتەۋ شارالارى جالعاسادى.