قۇجات قابىلداۋ باستالدى.
مەملەكەت باسشىسىنىڭ تاپسىرماسىنا سايكەس اعىمداعى جىلى پرەزيدەنتتىك جاستار كادر رەزەرۆىنە 50 مامان ىرىكتەلەتىن بولادى، دەپ حابارلايدى Almaty-akshamy.kz.
«قۇجاتتاردى قابىلداۋ اعىمداعى جىلدىڭ 1 قىركۇيەگىنەن باستاپ pkrezerv.gov.kz سيفرلىق پلاتفورمادا ونلاين رەجيمدە باستالعان بولاتىن. قۇجاتتاردى قابىلداۋدىڭ ەكى كۇنى ىشىندە ىرىكتەۋگە قاتىسۋعا 1251 ءوتىنىم كەلىپ ءتۇستى. قۇجاتتاردى قابىلداۋ 30 قىكۇيەككە دەيىن جالعاسادى»، – دەلىنگەن مەملەكەتتىك قىزمەت ىستەرى اگەنتتىك حابارلاماسىندا.
پرەزيدەنتتىڭ 2021 جىلعى 29 تامىزداعى № 141 جارلىعىمەن بەلگىلەنگەن تالاپتارعا سايكەس، ىرىكتەۋگە 35 جاستان اسپاعان، جوعارى ءبىلىمى جانە 5 جىلدان كەم ەمەس جۇمىس ءوتىلى بار، سونداي-اق مەملەكەتتىك ءتىلدى ورتادان تومەن ەمەس دەڭگەيدە بىلەتىن قازاقستان رەسپۋبليكاسىنىڭ ازاماتتارى قاتىسا الادى. رەزەرۆتە بولۋ مەرزىمى 3 جىل.
رەزەرۆتە تۇرعان ماماندى بوس مەملەكەتتىك لاۋازىمعا تاعايىنداۋ قولدانىستاعى زاڭناماعا سايكەس جۇزەگە اسىرىلاتىن بولادى.