الماتىدا ستۋدەنتتەردى ۆاكسينالاۋ جالعاسۋدا 

كۇن سايىن 200-دەن استام ستۋدەنتكە كوروناۆيرۋسقا قارسى ۆاكسينا سالىنۋدا. بۇل تۋرالى الماتى قالاسىنىڭ باس سانيتارلىق دارىگەرى جانداربەك بەكشين وڭىرلىك كوممۋنيكاسيالار قىزمەتىنىڭ بريفينگىندە ايتتى دەپ حابارلايدى almaty-akshamy.kz

جانداربەك بەكشيننىڭ ايتۋىنشا، كوپتەگەن ستۋدەنتتەر بەلسەندى تۇردە ۆاكسينالانۋدى وقۋ جىلى باستالماي تۇرىپ-اق باستادى. مىسالى، ماۋسىم ايىندا ءبىرىنشى كومپونەنتپەن 4 676 ادام، شىلدەدە 7 872 ستۋدەنت، تامىزدا 4 733 ادام ەگىلدى. 
 
جالپى ستۋدەنتتەردىڭ 93،7%-ى ءبىرىنشى كومپونەنت، ال 79،4%-ى ەكىنشى كومپونەنت سالدىردى. 

«ستۋدەنتتەر ۆاكسينالانۋ – بۇل وزدەرىن عانا ەمەس، جاقىندارىن ءقاۋىپتى اۋرۋدان قورعاۋدىڭ قاراپايىم، ءتيىمدى ءادىسى ەكەنىن تۇسىنەدى»، - دەدى جانداربەك بەكشين. 

ستۋدەنتتەر مەن ەكپە سالدىرۋعا تىلەك ءبىلدىرۋشى تۇرعىندار الماتىداعى 160 ەكپە ورتالىعىنىڭ بىرىنە جۇگىنە الادى. 
 
اتاپ وتسەك، 2021 جىلدىڭ 1 اقپانىنان 1 قىركۇيەگىنە دەيىنگى كەزەڭدە الماتىدا ءبىرىنشى كومپونەنتپەن 875 165 ادام، ال ەكىنشى كومپونەنتپەن 741 412 ادام ەگىلدى. ۆاكسينالانعان ادامداردىڭ جالپى سانىنان 60 جاستان اسقاندار 110 236 ادامدى قۇرايدى. 
 
جانداربەك بەكشين جاقىن ارادا الماتى ەمحانالارىندا تۇماۋعا قارسى ۆاكسينالاۋ باستالاتىنىن ايتتى. قازىرگى ۋاقىتتا رەسەيلىك «گريپپول+» ۆاكسيناسىنىڭ 180 مىڭ دوزاسىن ساتىپ الۋعا ءوتىنىم بەرىلدى.