بۇگىن الماتى قالاسىندا ق ر پرەمەر-مينيسترىنىڭ ورىنباسارى ەرالى توعجانوۆتىڭ توراعالىعىمەن ق ر اۋماعىندا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ كوشپەلى وتىرىسى ءوتتى، دەپ حابارلايدى Almaty-akshamy.kz
كەڭەسكە الماتى قالاسىندا ورنالاسقان قالالىق جانە رەسپۋبليكالىق مەديسينالىق ۇيىمداردىڭ باسشىلارى قاتىستى. نەگىزگى ماسەلەلەر COVID-19-بەن كۇرەسۋگە جانە دەنساۋلىق ساقتاۋ جۇيەسىن دامىتۋعا قاتىستى بولدى. ق ر باس مەملەكەتتىك سانيتارلىق دارىگەرى ەرلان قياسوۆ اعىمداعى ەپيدەميولوگيالىق احۋال مەن جۇمىستىڭ باسىم باعىتتارى تۋرالى تۇسىنىك بەردى.
الماتى قالاسى اكىمىنىڭ ورىنباسارى ەرجان باباقۇماروۆ قازىرگى كەزدە جۇمىستىڭ باستى باعىتى كوروناۆيرۋس ينفەكسياسىنىنىڭ تارالۋىن تەجەۋ جونىندەگى ءىس-شارالار بولىپ قالاتىنىن باياندادى. بۇگىنگى تاڭدا قالادا كۆي بويىنشا ەپيدەميولوگيالىق احۋال تۇراقتى، قالا «سارى ايماقتا». دەرتتىڭ تومەندەۋى ۇجىمدىق يممۋنيتەتتىڭ 55%-ى دەڭگەيىندە قالىپتاسۋىنا، حالىقتى ۆاكسينالاۋمەن قامتۋدىڭ وسۋىنە (ءبىرىنشى كومپونەنتىن 996 486 ادام، 2 كومپونەنتىن 930 مىڭنان استام ادام الدى) بايلانىستى. ءقازىر قالا اكىمدىگى ۆاكسينالاۋ قارقىنىن ودان ءارى ارتتىرۋ ءۇشىن جۇمىس ىستەۋدە.
بۇگىندە مەديسينالىق ۇيىمداردا، مەكتەپتەردە، مادەنيەت، سپورت نىساندارىندا، بازارلاردا جانە قالانىڭ سوو-دا 137 ەگۋ پۋنكتى جۇمىس ىستەيدى. بۇدان باسقا، ۆاكسينالۋ پۋنكتتەرىندە ۆاكسينانىڭ تيىمدىلىگىنە اسەر ەتەتىن «سۋىق» تىزبەك رەجيمىنىڭ ساقتالۋى قاتاڭ باقىلانادى. سونىمەن قاتار، Pfizer ۆاكسيناسىن قابىلداۋعا دايىندىق جۇرگىزىلۋدە: مۇزداتقىش كامەرالاردى ورناتۋعا ارنالعان ورىندار ءازىر، لوگيستيكا، ۆاكسينانى ساقتاۋ الگوريتمدەرى پىسىقتالدى، ءار كەزەڭنىڭ جاۋاپتى تۇلعالارى انىقتالدى، مەديسينالىق پەرسونالدى وقىتۋ جۇرگىزىلۋدە. قالادا ينفەكسيانىڭ تارالۋىنا جول بەرمەۋ بويىنشا شەكتەۋ شارالارىن ساقتاۋدى باقىلاۋ كۇشەيتىلگەن ءارى جالعاسۋدا. الماتىدا 40 مونيتورينگ توبى جۇمىس ىستەيدى، جىل باسىنان بەرى 44 مىڭنان استام نىسان تەكسەرىلدى، كارانتين شارالارىن بۇزعان 4297 نىسان انىقتالدى، كارانتيندى ءجيى بۇزاتىندارعا قاتىستى سوتقا 78 ماتەريال بەرىلدى.
قالا مەكتەپتەرىندە قاۋىپسىزدىكتى ساقتاۋ جانە اۋرۋدى جۇقتىرۋدىڭ الدىن الۋ ەرەكشە باقىلاۋدا. ءتيىستى كونتينگەنتتەن مۇعالىمدەردىڭ 100%-ى ەكپە الدى. «Ashyq» زاماناۋي تەحنولوگياسىن بەلسەندى ەنگىزە وتىرىپ، «سالاۋاتتى مەكتەپتەر» باعدارلاماسى ىسكە اسىرىلۋدا، سونىڭ ارقاسىندا مەكتەپ وقۋشىلارى اراسىندا اۋرۋدىڭ تومەندەگەنى بايقالادى. دەگەنمەن، جىل سوڭىنا دەيىن دەرتتى جۇقتىرۋدىڭ بولجامىن ەسكەرە وتىرىپ ءارى ءبىرقاتار باسقا ەلدەردە اۋرۋدى جۇقتىرۋ دەڭگەيىنىڭ ءوسۋى سالدارىنان 2022 جىلعى مامىرعا دەيىن ءونىمنىڭ 68 اتاۋىنان تۇراتىن دارىلىك پرەپاراتتار مەن مەديسينالىق بۇيىمداردىڭ قاجەتتى قورىن قامتاماسىز ەتۋ، توسەك-ورىنداردى دايىنداۋ بويىنشا ازىرلىك جۇمىستارى جۇرگىزىلدى. 375 ءدارىحانادا، قالا قويمالارىندا سۇرانىسقا يە پرەپاراتتاردىڭ ءار ءتۇرى بويىنشا كۇندەلىكتى وتكىزۋ كولەمى مەن قالدىقتارىنا مونيتورينگ جۇرگىزىلەدى.
باياندامالاردى تىڭداعان ەرالى توعجانوۆ قالاداعى ەپيدەميولوگيالىق احۋالدىڭ تۇراقتانعانىن – 24 قازاننان باستاپ مەگاپوليس «سارى» ايماقتا ەكەنىن، سوڭعى 2 اپتادا اۋىرۋدىڭ 1،5 ەسەگە، ءولىم-جىتىمنىڭ 1،6 ەسەگە تومەندەگەنىن اتاپ ءوتتى. پرەمەر-مينيستردىڭ ورىنباسارى قالا اكىمدىگىنىڭ باسشىلىعىنا COVID-19 بەن ماۋسىمدىق تۇماۋعا قارسى ۆاكسينالاۋدى ۇلعايتۋدى تاپسىردى. جوو رەكتورلارىنىڭ نازارى ستۋدەنتتەردى ۆاكسينالاۋ جونىندەگى جۇمىستى كۇشەيتۋگە اۋدارىلدى، ويتكەنى بۇگىندە مەگاپوليستىڭ جوو-دا ستۋدەنتتەردى ۆاكسينالاۋ 57% قۇرايدى. بۇل ماسەلە ءقاۋىپسىز ءبىلىم بەرۋ پروسەسىن قامتاماسىز ەتۋ ءۇشىن ماڭىزدى. كەڭەس جۇمىسىن قورىتىندىلاعان ۆيسە-پرەمەر ە. توعجانوۆ الماتى قالاسى ەلىمىزدىڭ ەڭ ءىرى مەگاپوليسى ەكەنىن، سوندىقتان دەنساۋلىق ساقتاۋ جۇيەسىن دامىتۋ، ەپيدەميولوگيالىق احۋال، حالىقتى ۆاكسينالاۋ ماسەلەلەرى جەرگىلىكتى اتقارۋشى ورگانداردىڭ باسشىلارىنىڭ قاتاڭ باقىلاۋىندا بولۋى ءتيىس ەكەنىن اتاپ ءوتتى.