كوروناۆيرۋستىڭ الدىن الۋ
اقش-تىڭ اۋرۋدى باقىلاۋ جانە الدىن الۋ ورتالىعىنىڭ ديرەكتورى روشەل ۆالەنسكيي 5-11 جاس ارالىعىنداعى بالالاردى كوروناۆيرۋسقا قارسى ەگۋ ءۇشىن امەريكالىق Pfizer جانە نەمىستىڭ BioNTech كومپانيالارىنىڭ ۆاكسينالارىن قولدانۋدى ۇسىندى، دەپ حابارلايدى Almaty-akshamy.kz
اقش-تىڭ اۋرۋلاردى باقىلاۋ جانە الدىن الۋ ورتالىقتارىنىڭ توبى جۇرگىزگەن مودەلدەۋگە سايكەس، 5-11 جاس ارالىعىنداعى بالالاردى ۆاكسينالاۋ كوروناۆيرۋس ينفەكسياسىنىڭ تارالۋىن 2021 جىلدىڭ قاراشاسىنان 2022 جىلدىڭ ناۋرىزىنا دەيىن 8% تومەندەتەدى. توپ مۇشەسى سارا وليۆەردىڭ ايتۋىنشا، ۆاكسيناسيا ۆيرۋستىڭ ىقتيمال جاڭا نۇسقاسىنىڭ اسەرىن ازايتۋعا كومەكتەسەدى.
بۇعان دەيىن اقش دەنساۋلىق ساقتاۋ جانە الەۋمەتتىك قىزمەت مينيسترلىگىنىڭ جانىنداعى ازىق-تۇلىك جانە دارى-دارمەكتەر ساپاسى باسقارماسى 5-11 جاستاعى وقۋشىلارعا Pfizer جانە BioNTech كومپانيالارىنىڭ كوروناۆيرۋسقا قارسى ۆاكسينالارىن قولدانۋدى ماقۇلداعان بولاتىن.
وقۋ جىلى باستالعالى بەرى اقش-تا بالالار اراسىندا كوروناۆيرۋسقا شالدىققاندار سانى تەز ارتقانى بايقالدى. اۋرۋحانالارعا كوروناۆيرۋس جۇقتىرىپ تۇسكەن بالالاردىڭ سانى ماۋسىمنىڭ اياعىنان تامىزدىڭ ورتاسىنا دەيىن التى اپتا ىشىندە بەس ەسە ءوستى دەلىنگەن. 5-11 جاس ارالىعىنداعى بالالار ەرەسەكتەرگە ارنالعان دوزانىڭ ۇشتەن ءبىر بولىگىن قۇرايتىن ۆاكسينالار الادى دەپ حابارلانعان. ەكىنشى دوزا ءبىرىنشى دوزانى العان ساتتەن باستاپ ءۇش اپتادان كەيىن ەنگىزىلەدى.
سونداي-اق يممۋنيتەتى ءالسىز بالالارعا ءۇشىنشى دوزا سالىنبايتىنى اتاپ ءوتىلدى. اقش-تىڭ اۋرۋلاردى باقىلاۋ جانە الدىن الۋ ورتالىقتارىنىڭ مالىمەتتەرى بويىنشا، ەلدەگى 1،9 ميلليون بالاعا كوروناۆيرۋس دياگنوزى قويىلعان.