الماتىدا وڭالتۋ مەديسيناسىنىڭ العاشقى قازاقستاندىق – كورەيلىك ءبىلىم بەرۋ-زەرتتەۋ ورتالىعى اشىلدى
ورتالىق ق ر دەنساۋلىق ساقتاۋ مينيسترلىگىنىڭ، الماتى قالاسى قوعامدىق دەنساۋلىق ساقتاۋ باسقارماسىنىڭ، ءال - فارابي اتىنداعى قازۇۋ، كەنبۋك ۇلتتىق ۋنيۆەرسيتەتىنىڭ (KNUH) اۋرۋحاناسىنىڭ جانە كورەيانىڭ دەنساۋلىق ساقتاۋ يندۋسترياسىن دامىتۋ اگەنتتىگىنىڭ (KHIDI) قولداۋىمەن №1 قالالىق كلينيكالىق اۋرۋحاناسى بازاسىندا اشىلدى.
ورتالىق بازاسىندا وڭتۇستىك كورەيالىق ماماندارمەن قازاقستاندىق رەابيليتولوگتار، كينەزوتەراپيەۆتەر جانە كاسىبي تەراپيەۆتەر ءۇشىن ونلاين-وقىتۋدىڭ تۇراقتى باعدارلامالارىن وتكىزۋ جوسپارلانۋدا. ايتا كەتۋ كەرەك، "كاسىپتىك تەراپيەۆت" جانە "كينەزوتەراپيەۆت" ماماندىقتارى ق ر دەنساۋلىق ساقتاۋ مينيسترلىگىنىڭ نورماتيۆتىك بازاسىنا رەسمي تۇردە 2021 جىلى عانا كىردى. وسىعان بايلانىستى وسى باعىتتاعى مامانداردى دايارلاۋ قاجەتتىلىگى تۋرالى ماسەلە وزەكتى بولىپ تابىلادى.
ورتالىقتىڭ سالتاناتتى اشىلۋىنا ق ر دەنساۋلىق ساقتاۋ مينيسترلىگىنىڭ، الماتى قالاسى قوعامدىق دەنساۋلىق ساقتاۋ باسقارماسىنىڭ، قازۇۋ وكىلدەرى جانە ءال-فارابي جانە وڭتۇستىك كورەيانىڭ بەيىندى مينيسترلىگى، قازاقستاننىڭ تۇكپىر-تۇكپىرىنەن وڭالتۋ سالاسىنداعى ماماندار قاتىستى.
№1 قالالىق كلينيكالىق اۋرۋحاناسىنىڭ سەنىمدى باسقارۋشى كومپانياسى «Smart Health University City» ج ش س باسقارما ءتوراعاسىنىڭ ورىنباسارى ك. د. ەرجانوۆ:
- وسى ورتالىقتى اشۋعا كوپ كۇش جۇمساعان كورەيلىك دوستارىمىزعا ۇلكەن راحمەت. مۇنىڭ ءبارى وتەۋسىز نەگىزدە بولادى. ءبىزدىڭ بارلىق تىڭداۋشىلارىمىزعا زور تابىس تىلەيمىن جانە سىزدەر الاتىن ءبىلىم ءوز قىزمەتكەرلەرىڭىزگە، ارىپتەستەرىڭىزگە حالىقتى ءتيىمدى ەمدەۋ ءۇشىن جۇزەگە اسادى دەپ سەنىم بىلدىرەمىز، - دەپ اتاپ ءوتتى قۇتتىقتاۋ سوزىندە.
الماتى قالاسى قدب شتاتتان تىس باس رەابيليتولوگى ، №1 قالالىق كلينيكالىق اۋرۋحاناسىنىڭ وڭالتۋ بولىمشەسىنىڭ مەڭگەرۋشىسى امينا سەيدانوۆانىڭ ايتۋىنشا، ورتالىق كورەيالىق ماماندار دايارلاۋ جۇيەسى مىسالىندا حالىقارالىق ستاندارت بويىنشا بىرلەسكەن ءبىلىم بەرۋ باعدارلاماسىن ازىرلەۋمەن اينالىساتىن بولادى.
"وڭتۇستىك كورەيانىڭ وڭالتۋ سالاسىنداعى جەتەكشى ماماندارىنا پاسيەنتتەر مەن مۇگەدەكتەرگە ارنالعان تەلەمەديسينا شەڭبەرىندە تۇراقتى قاشىقتىقتان كونسۋلتاسيالار وتكىزىلەتىن بولادى. وڭالتۋ سالاسىنداعى ماماندار ءۇشىن جۇيەلى وقىتۋ شەبەرلىك سىنىپتارىن وتكىزۋ، بىرلەسكەن زەرتتەۋ جوبالارىن جۇرگىزۋ جوسپارلانۋدا"، - دەدى سەيدانوۆا.
كورەيا رەسپۋبليكاسى دەنساۋلىق ساقتاۋ جانە الەۋمەتتىك قامسىزداندىرۋ مينيسترلىگىنىڭ حالىقارالىق ىنتىماقتاستىق بيۋروسىنىڭ باس ديرەكتورى يۋن چان-سيك مىرزا ءوز كەزەگىندە 2022 جىل كورەيا مەن قازاقستان ءۇشىن ماڭىزدى جىل ەكەنىن، بيىل ەكى ەل اراسىندا ديپلوماتيالىق بايلانىستاردىڭ ورناعانىنا 30 جىل تولاتىنىن اتاپ ءوتتى.
ونىڭ ايتۋىنشا، كورەيانىڭ دەنساۋلىق ساقتاۋ جانە ءال-اۋقات مينيسترلىگى جاھاندىق دەنساۋلىق ساقتاۋدى بىرلەسىپ ءوسىرۋ مەن دامىتۋدى ماقسات ەتىپ وتىرعان شەت ەلدەگى اۋرۋحانالاردى قولداۋ جوباسىن العا جىلجىتۋدا.
بۇل ءبىلىم بەرۋ-زەرتتەۋ ورتالىعى- وسى جوبانىڭ ناتيجەسى بولىپ تابىلادى جانە ءبىلىم بەرۋگە، زەرتتەۋگە، ەمدەۋگە، ادامي رەسۋرستاردىڭ وسۋىنە ۇمتىلاتىن بولادى، ەكى ەلدىڭ اۋرۋحانالارى اراسىنداعى جەلىنى بەلسەندىرۋگە جانە دەنساۋلىق ساقتاۋ سالاسىنداعى ىنتىماقتاستىققا كوپىر بولادى. سونداي - اق، وڭالتۋ مەديسيناسى ورتالىعىنىڭ اشىلۋى اياسىندا №1 قالالىق كلينيكالىق اۋرۋحاناسىنىڭ بازاسىندا وڭتۇستىك كورەيانىڭ وڭالتۋ مەديسيناسى سالاسىنداعى جەتەكشى مامانداردىڭ قاتىسۋىمەن العاشقى پراكتيكالىق ماستەر-كلاسس وتكىزىلدى.
وڭتۇستىك كورەيالىق ارىپتەستەر جەرگىلىكتى رەابيليتولوگتار مەن ەمدىك دەنە شىنىقتىرۋ نۇسقاۋشىلارىنا بالالار مەن ەرەسەكتەردى وڭالتۋ سالاسىندا كينەزوتەراپيا مەن كاسىپتىك تەراپيانىڭ ءتيىمدى ادىستەرىنە وقىتۋ جۇرگىزدى.