الماتىدا جاسىرىن جۇمىس ىستەگەن كازينو انىقتالدى

الماتى قالاسىندا كوپقاباتتى ءۇيدىڭ جەرتولەسىندە جاسىرىن كازينو جۇمىس ىستەگەن.

ويىنشىلار مەكەمەگە قۇپيا ءسوز ارقىلى كىرگەن، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«13 قاراشاعا قاراعان ءتۇنى ىشكى ىستەر مينيسترلىگى ۇيىمداسقان قىلمىسقا قارسى كۇرەس دەپارتامەنتىنىڭ بولىمشەلەرى الماتى قالاسىنداعى عيماراتتاردىڭ بىرىندە (ساتبايەۆ كوشەسىنىڭ بويىندا) جاسىرىن كازينو ۇيىمداستىرعان قىلمىستىق توپتى ۇستاۋ بويىنشا ارنايى ءىس-شارا وتكىزدى.

تىيىم سالىنعان ويىن مەكەمەسى قالانىڭ بوستاندىق اۋدانىنداعى كوپقاباتتى ءۇيدىڭ جەرتولەسىندە ورنالاسقان. ادامدار قۇپيا ءسوز ارقىلى كىرگىزىلىپ وتىرعان.

ارنايى ءىس-شارا كەزىندە كازينودا 20-دان استام كەلۋشى بولدى»، - دەلىنگەن پوليسيا حابارلاماسىندا.

ارنايى وپەراسيا كەزىندە 20-دان استام ويىن جابدىعى، ءىرى كولەمدەگى اقشا، كەلۋشىلەردىڭ ءاتى-جونى جازىلعان ءتىزىم، اقشانىڭ كىرىس-شىعىس جازبالارى بار قۇجاتتاما تاركىلەندى.

«قىلمىستىق ارەكەتتەن تۇسكەن كىرىستىڭ شامامەن سوماسى كۇنىنە 5 ميلليون تەڭگەدەن اسىپ وتىرعان. اتالعان دەرەك بويىنشا ق ر قىلمىستىق كودەكسىنىڭ 307-بابى 1-بولىگىمەن (زاڭسىز ويىن بيزنەسىن ۇيىمداستىرۋ) قىلمىستىق ءىس تىركەلدى. قازىرگى ۋاقىتتا كازينو يەسىن انىقتاپ، جاۋاپكەرشىلىككە تارتۋ بويىنشا جەدەل شارالار جۇرگىزىلىپ جاتىر»، - دەلىنگەن پوليسيا مالىمەتىندە.