ەكولوگتار بارلىق نيەت بىلدىرۋشىلەردى وسى اۋقىمدى سەنبىلىككە قاتىسۋعا شاقىردى.
18 قىركۇيەكتە قازاقستاندا World CleanUp Day 2021 شاراسى وتەدى، دەپ حابارلايدى Almaty-akshamy.kz.
اتالمىش شارانى ەكولوگيا، گەولوگيا جانە تابيعي رەسۋرستار مينيسترلىگى ەلىمىزدىڭ بارلىق وڭىرلەرىندە وتكىزۋدى كوزدەپ وتىر. بۇل اكسيانىڭ ماقساتى – تابيعاتىمىزدىڭ لاستانۋ پروبلەماسىنا نازار اۋدارۋ جانە ەكولوگيالىق مادەنيەتتى قالىپتاستىرۋ.
«نۇر-سۇلتان قالاسىنداعى نەگىزگى الاڭ بولىپ الماتى اۋدانىنداعى نۇرا-ەسىل كانالىنىڭ بويىنداعى ۋچاسكەسى انىقتالدى. اكسياعا قاتىسۋعا نيەت بىلدىرۋشىلەردى ب.مومىش ۇلى كوشەسى، 1 مەكەنجايىندا ساعات 09.00-دە كۇتەمىز. ساعات 09.30-دا شىعىپ كەتەمىز. سەنبىلىكتىڭ باستالۋى ساعات 10.00. بارلىق نيەت بىلدىرۋشىلەردى وسى اۋقىمدى سەنبىلىككە قاتىسۋعا شاقىرامىز!» – دەلىنگەن ەكولوگيا، گەولوگيا جانە تابيعي رەسۋرستار مينيسترلىگىنىڭ باسپا ءسوز قىزمەتىنىڭ حابارلاماسىندا.