بۇل تۋرالى الماتى اكىمىنىڭ اۋەزوۆ اۋدانى تۇرعىندارىمەن كەزدەسۋىندە بەلگىلى بولدى.
كەزدەسۋدە اۋدان تۇرعىندارىنىڭ ءبىرى اۆتوتۇراق ماسەلەسىن كوتەرىپ، قالا اكىمىنە سۇراق قويدى، دەپ حابارلايدى Almaty-akshamy.kz.
Cۇراق:
- اۋدانداردا كولىكتەردىڭ اۆتوتۇراق ماسەلەسى ۇلكەن ماسەلەگە اينالدى. كوشەلەر لىق تولى، جۇرەتىن جول كەپتەلىپ، ءتىپتى كەي بولىكتەرىنەن ءوتۋ مۇمكىن ەمەس. سالدارىنان قاجەت بولعان كەزدە نە ءورت سوندىرۋشىلەر، نە "جەدەل جاردەم" وتە المايدى. كوپ قاباتتى اۆتوتۇراق سالۋ ماسەلەسى تۋىنداپ تۇرعان سياقتى.
ساۋالعا قالا اكىمى جاۋاپ بەردى.
«جىل سوڭىنا دەيىن الماتى قالاسى بويىنشا كوپ قاباتتى اۆتوتۇراقتاردى سالۋ بويىنشا باعدارلامانى تانىستىرۋ جوسپاردا بار. بۇل اۋلالاردى ءىشىنارا بوساتۋعا مۇمكىندىك بەرەدى. 2023 جىلى جەكە ينۆەستورلارمەن جۇمىستى باستايمىز»، - دەپ جاۋاپ بەردى قالا اكىمى ەربولات دوسايەۆ.