ول ءۇشىن سايران سۋ قويماسىنىڭ ءتۇبىن مەحانيكالىق تازالاۋعا جوبالاۋ-سمەتالىق قۇجاتتاما ازىرلەندى.
بۇل تۋرالى الماتى اكىمى ەربولات دوسايەۆ اۋەزوۆ اۋدانى تۇرعىندارىمەن وتكەن كەزدەسۋدە ايتتى، دەپ حابارلايدى Almaty-akshamy.kz.
حالىقپەن وتكەن كەزدەسۋدە شاھار باسشىسى پەرسپەكتيۆالىق جوبالارعا دا توقتالدى.
« العاشقى كەزدەسۋىمىزدە تۇرعىندار ماعان التىنسارين داڭعىلىن رەكونسترۋكسيالاۋ تۋرالى ۇسىنىس جاساعان ەدى. بۇگىنگى كۇنى اۋداننىڭ 6 ماگيسترالدى كوشەسى، ونىڭ ىشىندە التىنسارين داڭعىلىندا جاياۋ جۇرگىنشىلەر كەڭىستىگىن قايتا قۇرۋ ءۇشىن جوبالاۋ-سمەتالىق قۇجاتتاما ازىرلەنۋدە»، - دەدى قالا اكىمى ە.دوسايەۆ.
ولار كەلەسى كوشەلەر بويىنشا جۇزەگە اسىرىلماق:
- اباي داڭعىلى، الماتى وزەنىنەن مومىش ۇلى كوشەسىنە دەيىن؛
- التىنسارين داڭعىلى، جاندوسوۆ كوشەسىنەن قابدولوۆ كوشەسىنە دەيىن؛
- تولە بي كوشەسى، سايران كولىنەن ياسساۋي كوشەسىنە دەيىن؛
- جاندوسوۆ كوشەسى، الماتى وزەنىنەن ساين كوشەسىنە دەيىن؛
- مومىش ۇلى كوشەسى، شالياپين كوشەسىنەن تولە بي كوشەسىنە دەيىن؛
- ساين كوشەسى، اباي داڭعىلىنان تولە بي كوشەسىنە دەيىن.
مەملەكەتتىك ساراپتامادان وتكەننەن كەيىن، 2023 جىلدىڭ سوڭىندا قۇرىلىس-مونتاجداۋ جۇمىستارى باستالماق.
سونىمەن قاتار، تامىز ايىنىڭ سوڭىندا 2 قوعامدىق كەڭىستىكتى اباتتاندىرۋ ءۇشىن جوبالاۋ-سمەتالىق قۇجاتتامانىڭ كونكۋرستىق ءىس-شارالارى اياقتالادى. اتاپ ايتقاندا، "مامىر-1" شاعىناۋدانىنداعى جاياۋ جۇرگىنشىلەر ايماعى جانە "اقساي-4" شاعىناۋدانىنداعى سكۆەر اباتتاندىرىلماق.
"تاۋگۇل" شاعىناۋدانىندا قوعامدىق كەڭىستىكتىڭ جوق ەكەنىن ەسكەرە وتىرىپ، 2023 جىلى كولىك قوزعالىسىن شەكتەۋ ارقىلى شالوۆ بۋلۆارىن زاماناۋي جاياۋ جۇرگىنشىلەر ايماعىنا اينالدىرۋدى باستايمىز. جىل سوڭىنا دەيىن مەملەكەتتىك ساراپتامادان ءوتىپ، جوبالاۋ-سمەتالىق قۇجاتتاماسى اياقتالادى"، - دەدى قالا اكىمى ە.دوسايەۆ.
قالا اكىمى سايران كولىنىڭ تۇرعىنداردىڭ سۇيىكتى دەمالىس ورىندارىنىڭ ءبىرى بولىپ قالا بەرەتىنىن ايتتى.
«سايران سۋ قويماسىنىڭ ءتۇبىن مەحانيكالىق تازالاۋعا جوبالاۋ-سمەتالىق قۇجاتتاما ازىرلەندى، تازالاۋ جۇمىستارىن جىل سوڭىندا باستاۋدى جوسپارلاپ وتىرمىز. سونداي-اق، سايران كولىن قايتا قۇرۋعا جانە وعان ىرگەلەس اۋماقتى اباتتاندىرۋعا جوبالاۋ-سمەتالىق قۇجاتتاما ازىرلەنۋدە. ول اياقتالعاننان كەيىن 2023 جىلدىڭ 2-توقسانىندا جوندەۋ جۇمىستارىنا كىرىسەمىز»، - دەدى قالا باسشىسى.