بۇل - جۇبانوۆ كوشەسىنەن قالا شەكاراسىنا دەيىنگى اۋماق.
الماتى اكىمى ەربولات دوسايەۆتىڭ بۇگىن اۋەزوۆ اۋدانىندا وتكەن حالىقپەن كەزەكتى كەزدەسۋىندە وسى جايلى ءسوز بولدى، دەپ حابارلايدى Almaty-akshamy.kz.
اۋدان تۇرعىنى «جۇبانوۆ كوشەسىن تەسۋ قاشان باستالادى؟» دەپ سۇراق قويدى.
«قازىرگى تاڭدا جۇبانوۆ كوشەسىن تەسۋ بويىنشا جوبالاۋ جۇمىستارى جۇرگىزىلۋدە. اعىمداعى جىلدىڭ جەلتوقسان ايىندا مەملەكەتتىك ساراپتامانى الۋ جوسپارلانۋدا. ءبارى ويداعىداي بولسا، كەلەسى جىلى قۇرىلىس جۇمىستارىن باستايمىز. بۇل جوبا جۇبانوۆتان قالا شەكاراسىنا دەيىن تەسۋدى قاراستىرادى، اۋەزوۆ جانە ناۋرىزباي اۋداندارىنىڭ اۋماعى ارقىلى وتەدى، سابدەنوۆ كوشەسىنىڭ بويىمەن جارتىلاي وتەدى، كوشەنىڭ ەنى 40 مەتر، ياعني 4 جولاقتى جول. 180-گە جۋىق جەر بار»، - دەپ جاۋاپ بەردى وعان الماتى قالالىق موبيلدىلىك باسقارماسىنىڭ باسشىسى عاني مۇرزاحانوۆ.