الماتى اكىمىنىڭ ورىنباسارى بەيبىت شاحانوۆتىڭ ايتۋىنشا، قالانىڭ كوممۋنالدىق قىزمەتى كوشەلەردى، جولدار مەن تروتۋارلاردى جەدەل قاردان تازالاۋعا كىرىستى.
قار كۇرەۋ جۇمىستارى تاۋلىك بويى جۇرگىزىلەدى، دەپ حابارلايدى aqshamnews.kz.
«بۇگىن ساعات 9:00-دە قالادا جانە تاۋلى اۋدانداردا قار جاۋا باستادى. ەكى كۇن بويى قار جاۋىپ، 20 مم قار تۇسەدى دەپ بولجانىپ وتىر. بۇل ەداۋىر مولشەر، سوندىقتان بۇل اۋقىمدى جۇمىس. تاڭەرتەڭنەن باستاپ كوممۋنالدىق قىزمەت كوشەلەگە كوكتايعاققا قارسى ارنايى قوسپالار سەۋىپ، قوزعالىس قاۋىپسىزدىگىن قامتاماسىز ەتتى. نەگىزگى جۇمىس قار كۇرەلگەن سوڭ باستالادى. ءبىز ماگيسترالدى جانە ورتالىق كوشەلەردە قار ءۇيىندى جاسالعان سوڭ قاردى شىعارۋعا كىرىسەمىز، – دەدى الماتى اكىمىنىڭ ورىنباسارى.
تازالاۋ تەحنولوگياسى جانە بولجامدار
قازگيدرومەتتىڭ مالىمەتىنشە، 23-24 قاڭتاردا الماتىدا اۋا تەمپەراتۋراسى -15…-20 گرادۋسقا دەيىن تومەندەيدى. قازىرگى ۋاقىتتا جولدار كوكتايعاققا قارسى ماتەريالدار سەبىلىپ جاتىر. 152 قۇمسەپكىش تەحنيكا جۇمىلدىرىلعان. 950 توننا كوكتايعاققا قارسى ماتەريالدار جانە 60 م³ سۇيىق رەاگەنتتەر پايدالانىلعان. ءقاۋىپتى جول ۋچاسكەلەرىندە جولدىڭ جاعدايىن باقىلاپ وتىراتىن 46 جەدەل توپ جۇمىس ىستەۋدە.
ماگيسترالدى كوشەلەردى قاردان تولىق تازالاۋ 3 كۇنگە، اۋداندىق ماڭىزى بار كوشەلەردى تازالاۋ 7 كۇنگە سوزىلادى.
«قازىرگى ۋاقىتتا جولداردا 600-دەن استام ارنايى تەحنيكا جۇمىس ىستەپ جاتىر، كۇندىزگى ۋاقىتتا شامامەن 1،5 مىڭ ادام جۇمىلدىرىلدى. جۇمىس تۇندە دە جالعاسادى، قار تولىق شىعارىلعانعا دەيىن توقتاتىلمايدى. تازالىقتى باقىلاۋ ءۇشىن اۋدان اكىمدىكتەرىندە تاۋلىك بويى كەزەكشىلىك ۇيىمداستىرىلدى»، – دەدى بەيبىت شاحانوۆ.
«قاردىڭ جاۋۋى قالا تۇرعىندارىنا ۋاقىتشا قولايسىزدىق تۋدىراتىنىن تۇسىنەمىز. كوممۋنالدىق قىزمەتتىڭ جۇمىسىنا تۇسىنىستىكپەن قاراپ، كومەكتەسۋدى سۇرايمىز: ارنايى تەحنيكانىڭ جۇمىسىن قيىنداتپاۋ ءۇشىن كولىكتەردى جول جيەكتەرىنە قويماۋلارىڭىزدى وتىنەمىز»، – دەدى اكىمنىڭ ورىنباسارى.
ماسەلەلەردى جەدەل شەشۋ ءۇشىن تۇرعىندار Telegram-بوتتارعا كەلەسى سىلتەمەلەر ارقىلى اۋدان اكىمدىكتەرىنە جۇگىنە الادى:
1. اۋەزوۆ اۋدانى - https://t.me/akimatAuezov1
2. الاتاۋ اۋدانى - https://t.me/akimat_alatau
3. المالى اۋدانى - https://t.me/almalyaudany/1
4. بوستاندىق اۋدانى - https://t.me/bostandykaudanyy/1717
5. جەتىسۋ اۋدانى - https://t.me/obzhetysu
6. مەدەۋ اۋدانى - https://t.me/medeu_audany
7. ناۋرىزباي اۋدانى - https://t.me/+jD3nmPVIVrw1YWQ6
8. تۇركسىب اۋدانى - https://t.me/turksib_audany
23 قاڭتارعا ارنالعان بولجام: كەيدە قار جاۋادى، تۇندە تەمپەراتۋرا -13…-15°C، كۇندىز -7…-9°C.
24 قاڭتارعا ارنالعان بولجام: كوشپەلى بۇلت شىعادى، جاۋىن-شاشىنسىز. تۇندە -18…-20°C، كۇندىز -10…-12°C.