ءماجىلىس دەپۋتاتى ەدىل جاڭبىرشين ەلىمىزدە لگبت ناسيحاتىنا تىيىم سالۋ شارالارىن قولعا الۋ كەرەكتىگىن ايتتى.
ماجىلىسمەن ءبىر توپ دەپۋتات اتىنان پرەمەر-مينيستر ولجاس بەكتەنوۆكە، ۇلتتىق قاۋىپسىزدىك كوميتەتىنىڭ ءتوراعاسى ەرمەك ساعىمبايەۆقا دەپۋتاتتىق ساۋال جولدادى. وندا اقش-تىڭ ءوزى تابيعي جاراتىلىسقا قارسى جىنويناق توپتارعا تىيىم سالىپ جاتقاندا، قازاقستان دا بۇل ماسەلەنى قايتا قاراۋى كەرەكتىگى ايتىلعان. ول اقش پرەزيدەنتى دونالد ترامپتىڭ سوزدەرىن دە ەسكە سالدى.
"بارلىق قىزتەكەگە «دياديا دونالدتان» جالىندى سالەم. ءبىز لگبت-نى ناسيحاتتاۋعا تىيىم سالۋدى كوزدەيتىن ارنايى زاڭ نورمالارىن دا ازىرلەدىك. الايدا وسى ارەكەتتەرىمىزگە كەيبىر شەنەۋنىكتەر باتىس ەلدەرى وكىلدەرىنىڭ «دەموكراتيانى شەكتەپ جاتىرسىڭدار»، «ادام قۇقىعىن تاپتاپ جاتىرسىڭدار» دەگەن ۇستانىمدارىن جەلەۋ قىلىپ، قارسىلىق ءبىلدىردى.
ءتىپتى، لگبت وكىلدەرى جانە ولاردىڭ سىبايلاستارى دەپۋتات ارىپتەستەرىمە جانە ولاردىڭ وتباسىلارىنا الەۋمەتتىك جەلىدە، بۇقارالىق اقپارات قۇرالدارىندا جاپپاي اقپاراتتىق شابۋىلدار ۇيىمداستىردى"، - دەيدى ول.
دەپۋتات لگبت ناسيحاتىنا قارسى پەتيسياعا نەبارى 2 اپتادا 50 مىڭ ادام قول قويعانىن العا تارتىپ، مۇنىڭ ۇلتتىق بولمىسىمىزعا جات، لگبت اعىمىنا حالىقتىڭ اشىق قارسى ەكەندىگىن كورسەتتى دەپ وتىر.
"پارلامەنت ءبىرىنشى كەزەكتە حالىقتىڭ مۇددەسىن ەسكەرىپ، ونى ناقتى زاڭنامامەن ىسكە اسىرۋى ءتيىس. ولاي بولسا، ۇكىمەت تەز ارادا كەلەسى شارالاردى قولعا الۋى قاجەت"، - دەدى ول.