الماتىدا كولىكتەن ۇرلىق جاساعانى ءۇشىن بۇرىن سوتتالعان ەكى ازامات ۇستالدى.
مەدەۋ اۋدانىنىڭ تۇرعىنى ۇرلىق دەرەگى بويىنشا ارىزدانعان، دەپ حابارلايدى Almaty-akshamy.kz Polisia.kz- كە سىلتەمە جاساپ.
جابىرلەنۋشىنىڭ ايتۋىنشا، بەلگىسىز بىرەۋلەر ونىڭ FAW اۆتوكولىگىنىڭ سالونىنا زاڭسىز كىرىپ، 700 مىڭ تەڭگە كولەمىندەگى اقشانى ۇرلاپ كەتكەن. كۇدىكتىلەردىڭ ءبىرى كولىك يەسىنىڭ نازارىن اۋدارىپ تۇرسا، ەكىنشىسى قىلمىس جاساعان.
جەدەل-ىزدەستىرۋ شارالارى بارىسىندا قاسكويلەردىڭ ىزىنە ءتۇسىپ، ولاردى ۇستادىق. ولار 47 جاستاعى س.ەسىمدى ازامات پەن 41 جاستاعى ب.ەسىمدى ازامات بولىپ شىقتى. ەكەۋى دە شىعىس قازاقستان وبلىسىنىڭ تۇرعىندارى. ولاردىڭ بۇعان دەيىن سوتتى بولعاندىعى بەلگىلى بولدى. قازىرگى ۋاقىتتا كۇدىكتىلەر ۇرلىق جاساعانىن مويىنداپ وتىر. ولار ۋاقىتشا ۇستاۋ يزولياتورىنا قامالدى. اتالعان دەرەك بويىنشا ق ر قك-نىڭ 188-بابى 3-بولىنە سايكەس سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتىلەردىڭ بۇرىن جاسالعان وسىعان ۇقساس قىلمىسقا قاتىسى بار-جوعى انىقتالىپ جاتىر، – دەدى مەدەۋ اۋداندىق پب-عا قاراستى پوليسيا ءبولىمىنىڭ باسشىسى ءابدىنۇر تاسىبايەۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.