بوستاندىق اۋداندىق پوليسيا باسقارماسىنىڭ قىزمەتكەرلەرى جەدەل-ىزدەستىرۋ ءىس-شارالارىنىڭ ناتيجەسىندە Hyundai اۆتوكولىگىن ۇرلاپ كەتتى دەگەن كۇدىكپەن ەكى ەر ادامدى ۇستادى، دەپ حابارلايدى aqshamnews.kz Polisia.kz-كە سىلتەمە جاساپ.
قىلمىس تۇرعىن ءۇي اۋلاسىنداعى اۆتوتۇراقتا جاسالعان. كولىكتى ۇرلاعاننان كەيىن قاسكويلەر بىردەن كولىككە جالعان مەملەكەتتىك تىركەۋ نومىرلەرىن ورناتىپ، ونى الماتى وبلىسىنا الىپ كەتىپ، جەكە ۇيلەردىڭ بىرىندە جاسىرعان. الدىن الا مالىمەت بويىنشا، كۇدىكتىلەر ىڭعايلى ءساتتى كۇتىپ، كولىكتى ساتۋدى جوسپارلاعان. پوليسيا قىزمەتكەرلەرىنىڭ ۇيلەسىمدى جانە كاسىبي جۇمىسىنىڭ ارقاسىندا كۇدىكتىلەر قىسقا مەرزىمدە انىقتالىپ، ۇستالدى. ولاردىڭ بىرەۋى بۇرىن سوتتى بولعان. قازىرگى ۋاقىتتا ۇستالعاندارعا قاتىستى قىلمىستىق ءىس قوزعالىپ، ولار ۋاقىتشا ۇستاۋ يزولياتورىنا قامالدى.
- اۆتوكولىك ۇرىلارىنىڭ قولعا ءتۇسۋى – كاسىبي ماماندار ىسكە كىرىسكەندە ۋاقىت ماسەلەسى عانا. بۇل ىستە جەدەل اقپارات جينالىپ، تالداندى، ناقتى مەكەنجايلار بويىنشا تەكسەرۋلەر جۇرگىزىلدى. قىلمىس اشىلدى، كولىك تاركىلەنىپ، يەسىنە قايتارىلدى. ءبىز ازاماتتاردىڭ جەكە مۇلكىنە قارسى كەز كەلگەن قىلمىستىق ارەكەتتى قاتاڭ تۇردە توقتاتۋدى جالعاستىرامىز، – دەدى، بوستاندىق اۋداندىق پوليسيا باسقارماسىنىڭ باستىعى ديدار اxانوۆ.
سونىمەن قاتار پوليسيا كولىك يەلەرىنە قوسىمشا قاۋىپسىزدىك شارالارىن ساقتاۋ قاجەتتىگىن ەسكەرتەدى: كىلتتەردى كولىكتە قالدىرماۋ، ۇرلىققا قارسى قۇرالداردى پايدالانۋ جانە مۇمكىندىگىنشە كولىكتەردى كۇزەتىلەتىن تۇراقتارعا قويۋ.