Astana Mining & Metallurgy 15ء-شى حالىقارالىق تاۋ-كەن مەتاللۋرگيا كونگرەسى اياسىندا ق ر ونەركاسىپ جانە قۇرىلىس مينيسترلىگىنە قاراستى گەولوگيا كوميتەتى ERG كومپانياسى سيفرلىق فورماتقا كوشىرگەن تاريحي گەولوگيالىق ەسەپتەردىڭ ەلەكتروندىق كاتالوگىن مەرزىمسىز پايدالانۋعا قابىلدادى.
اتالعان ەلەكتروندىق كاتالوگ 1934 جىلدان باستالاتىن قوستاناي جانە اقتوبە وبلىستارىن قامتيتىن 898 ەسەپتەن تۇرادى. بۇل ەسەپتەر سيفرلاندىرىلىپ، ىڭعايلى ىزدەۋ جۇيەسىمەن جانە گەوگرافيالىق بايلانىسپەن تولىقتىرىلعان، بۇل ولاردىڭ تالداۋىن جانە پراكتيكالىق قولدانىلۋىن ايتارلىقتاي جەڭىلدەتەدى. كاتالوگ قۇرامىندا ۆەكتورلىق گەولوگيالىق كارتالار بار، بۇل مالىمەتتەردى زاماناۋي گەواقپاراتتىق جۇيەلەردە پايدالانۋعا مۇمكىندىك بەرەدى، دەپ حابارلايدى aqshamnews.kz.
«اتالعان ءارحيۆتى تاپسىرۋ — ERG كومپانياسىنىڭ ەلدەگى سالانى سيفرلاندىرۋعا قوسقان ۇلەسى. ەندى گەولوگيالىق مالىمەتتەر مەملەكەتكە، عىلىمعا جانە بارلىق مۇددەلى تاراپتارعا قولجەتىمدى. بۇل جوبانى تابىستى ارىپتەستىكتىڭ ۇلگىسى دەپ باعالايمىز جانە بولاشاقتا دا ىنتىماقتاستىققا اشىقپىز»، – دەدى ق ر ءوقم گەولوگيا كوميتەتىنىڭ ءتوراعاسى ەرلان اقباروۆ.
كاتالوگ گەولوگيالىق بارلاۋ جۇمىستارىنىڭ ساپاسىن ارتتىرۋ، جەر قويناۋىن پايدالانۋ سالاسىندا نەگىزدەلگەن شەشىمدەر قابىلداۋ، ءبىلىم بەرۋ مەن عىلىمي باستامالاردى قولداۋ، سونداي-اق قازاقستاننىڭ ينۆەستيسيالىق تارتىمدىلىعىن ارتتىرۋ ماقساتىندا قولدانىلادى.