الماتىدا كولىك قۇرالدارىنا سالىناتىن سالىقتان تۇسەتىن تۇسىمدەردىڭ ءوسۋى بايقالدى. 2025 جىلى سالىق 456 328 سالىق تولەۋشىگە ەسەپتەلدى، بۇل 764 مىڭ كولىك قۇرالىن قۇرايدى، دەپ حابارلايدى aqshamnews.kz
ەسەپتەۋلەردىڭ جالپى سوماسى 21،9 ملرد تەڭگەنى قۇرادى. بۇل وتكەن جىلمەن سالىستىرعاندا 2،3 ملرد تەڭگەگە ارتىق. بۇل تۋرالى الماتى قالاسى بويىنشا مەملەكەتتىك كىرىستەر دەپارتامەنتىنىڭ وندىرىستىك ەمەس تولەمدەر باسقارماسىنىڭ باسشىسى قاناعات كۇلەمبايەۆ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا حابارلادى.
«تۇسىمدەردىڭ ءوسۋى اشىقتىقتىڭ، ازاماتتاردىڭ جۇيەگە دەگەن سەنىمىنىڭ ءوسۋىن، سونداي-اق الماتىلىقتار اراسىندا بەلسەندى سالىق ءتارتىبىن كورسەتەدى»، - دەپ باسىپ ايتتى ول.
سونىمەن قاتار، ونىڭ ايتۋىنشا، وڭ ديناميكاعا قاراماستان، كولىك سالىعى بويىنشا بەرەشەك ساقتالىپ وتىر. بۇگىنگى تاڭدا 60 835 ازاماتتىڭ 3،9 ملرد تەڭگە قارىزى بار، ونىڭ 3،6 ملرد تەڭگەسى كولىك سالىعى بويىنشا قارىزدار. جەكەلەگەن ازاماتتاردىڭ 22 ملن تەڭگەدەن استام قارىزى بار.
«ءبىز قارىزدى ءوندىرىپ الۋ بويىنشا بەلسەندى جۇمىس جۇرگىزۋدەمىز: حابارلامالار جىبەرەمىز، سالىق بۇيرىقتارىن قالىپتاستىرامىز جانە قاجەت بولعان جاعدايدا ماجبۇرلەپ ورىنداتۋ شارالارىنا جۇگىنەمىز. ءبىزدىڭ باسىمدىق - سالىق مىندەتتەمەلەرىن ەرىكتى جانە ۋاقتىلى ورىنداۋ»، - دەپ حابارلادى قاناعات كۇلەمبايەۆ.
سپيكەر ازاماتتارعا "e-Salyk azamat" ءموبيلدى قوسىمشاسى، www.kgd.kz سايتتار جانە ونلاين-بانكينگ ارقىلى سالىقتى تەز جانە ىڭعايلى تولەۋ مۇمكىندىگىن ەسكە سالدى.
«سالىقتى تولەۋ اۆتوكولىكتىڭ تىركەلگەن جەرى بويىنشا ەمەس، تۇرعىلىقتى جەرى بويىنشا جۇزەگە اسىرىلاتىنىن ەستە ساقتاۋ وتە ماڭىزدى»، - دەپ قوستى مكد وكىلى.
كۇلەمبايەۆ سونداي-اق ارداگەرلەرگە، كوپ بالالى انالارعا، مۇگەدەكتىگى بار ادامدارعا جانە باسقا دا ساناتتاعى ازاماتتارعا ارنالعان جەڭىلدىكتەر تۋرالى ەسكە سالدى. جەڭىلدىك ءبىر كولىك قۇرالىنا بەرىلەدى جانە ەگەر مەنشىك يەسى 2013 جىلدان كەيىن وزگەرسە، قوزعالتقىش كولەمى 4 مىڭ تەكشە سم-دەن اساتىن اۆتوموبيلدەرگە قولدانىلمايدى.