قازاقستان ۇلتتىق قۇراماسى فۋتبولدان الەم چەمپيوناتىنىڭ ىرىكتەۋ كەزەڭىندە 12 جىلدان كەيىن العاشقى جەڭىسىنە قول جەتكىزدى.
بۇل جەڭىس 2026 جىلعى الەم چەمپيوناتىنىڭ ىرىكتەۋىندەگى ليحتەنشتەين قۇراماسىنا قارسى ويىندا بولدى. قازاقستان قۇراماسى سىرت الاڭدا 2:0 ەسەبىمەن جەڭىسكە جەتتى، دەپ حابارلايدى aqshamnews.kz Prosports.kz-كە سىلتەمە جاساپ.
قازاقستان قۇراماسىنىڭ الەم بىرىنشىلىگىنە ىرىكتەۋ كەزەڭىندەگى سوڭعى جەڭىسى 2013 جىلدىڭ 6 قىركۇيەگىندە تىركەلگەن ەدى — ول كەزدە فارەر ارالدارى 2:1 ەسەبىمەن جەڭىلگەن بولاتىن. سول ۋاقىتتان بەرى قازاقستان ىرىكتەۋ كەزەڭدەرىندە 22 ماچ وتكىزىپ، 7 رەت تەڭ ويناپ، 15 رەت جەڭىلىپ قالعان.
ەسكە سالايىق، 2026 جىلعى الەم چەمپيوناتىنىڭ ىرىكتەۋ تۋرنيرىندە قازاقستان قۇراماسى J توبىندا ونەر كورسەتەدى. بۇل توپتاعى قارسىلاستارى — بەلگيا، سولتۇستىك ماكەدونيا، ۋەلس جانە ليحتەنشتەين.