قازاقستاندا 330 ملرد تەڭگەگە وندىرىستىك قالدىقتاردى قايتا وڭدەۋ بويىنشا 25 جوبا ىسكە اسىرىلۋدا، دەپ حابارلايدى aqshamnews.kz
بۇل تۋرالى ق ر ونەركاسىپ جانە قۇرىلىس ءمينيسترى ەرسايىن ناعاسپايەۆ ۇكىمەت وتىرىسىندا حابارلادى.
ول 133 ملرد تەڭگە سوماسىنا 8 جوبا ەنگىزىلگەنىن اتاپ ءوتتى. بيىل 110 ملرد تەڭگە سوماسىنا 7 جاڭا جوبانى ىسكە قوسۋ جوسپارلانۋدا.
«سىنىقتاردى، پلاستماسسالاردى، شىنىلاردى جانە باسقا دا وندىرىستىك قالدىقتاردى قايتا وڭدەۋ بويىنشا ىسكە اسىرىلىپ جاتقان جوبالار قالدىقتاردى تۇراقتى باسقارۋ، ەكولوگيانى جاقسارتۋ جانە سالانىڭ ەكونوميكالىق تيىمدىلىگىن ارتتىرۋ ءۇشىن نەگىز بولادى»،
— دەپ اتاپ ءوتتى ەرسايىن ناعاسپايەۆ.