الماتى پوليسياسى اۆتوتۇراق ەرەجەسىن بۇزعانداردى ىزدەستىرىپ جاتىر
ءۇش ءىرى تۇرعىن ءۇي كەشەنىمەن شەكتەسەتىن ساتبايەۆ كوشەسىندە ماقساتتى رەيدتەر جۇرگىزىلىپ جاتىر. ايتا كەتەيىك، وسى تۇرعىن ءۇي كەشەندەرىنىڭ تۇرعىندارىنان وسى اۋماقتا اۆتوتۇراق ەرەجەلەرىنىڭ بۇزىلعانى تۋرالى دابىلدار كۇن سايىن تۇسەدى.
– بۇل ەڭ ءىرى شاھاردىڭ ماسەلەسى ەكەنىن ءتۇسىنۋ ماڭىزدى جانە ءبىز ونى ورتاق كۇش-جىگەر ارقىلى، بىلايشا ايتقاندا، بىرلەسىپ شەشۋىمىز كەرەك. مۇنى ىستەۋ قيىن ەمەس ەكەنىنە سەنىمدىمىن. ونىڭ ۇستىنە ءارقايسىمىز كۇن سايىن جول قوزعالىسى ەرەجەلەرىن بۇزۋ ارەكەتتەرىنە كۋا بولامىز. ءاربىر ازامات بەي-جاي قاراماۋى كەرەك. ۇساق زاڭ بۇزۋشىلىقتارعا كوز جۇمىپ قالماي، دەرەۋ پوليسياعا حابارلاۋىڭىزدى سۇرايمىز. ءوز كەزەگىمىزدە، قۇقىق بۇزۋشىلارعا دەرەۋ شارا قولدانىلاتىن حابارلايمىز، – دەدى الماتى قالاسى پد جپقب پاترۋلدىك پوليسيا پولكىنىڭ روتا كومانديرى ءانۋار بايمۇحانوۆ.
اتالعان اۋماقتا جۇرگىزىلگەن جەرگىلىكتى رەيدتىڭ بار-جوعى ءۇش ساعاتىندا 50-دەن استام كولىك قويۋ ەرەجەلەرىن بۇزۋ دەرەكتەرى انىقتالدى. قۇقىق بۇزۋشىلارعا قاتىستى اكىمشىلىك ءىس ماتەريالدارى جينالىپ، كەيبىر كولىكتەر مامانداندىرىلعان ايىپپۇل تۇراعىنا قويىلدى.
– جول-كولىك وقيعالارىن ازايتۋ جانە جول قاۋىپسىزدىگىنىڭ الدىن الۋ ماقساتىندا قالادا كولىك قۇرالدارىن تۇراققا قويۋ ەرەجەلەرىن بۇزۋ دەرەكتەرىن انىقتاۋعا باعىتتالعان رەيدتىك ءىس-شارالار جۇرگىزىلۋدە. پاترۋلدىك پوليسيا قىزمەتكەرلەرى كۇن سايىن وتكىزەتىن ماقساتتى رەيدتەر قالاداعى جول جاعدايىن تۇراقتاندىرۋعا، جول-كولىك وقيعالارىن ازايتۋعا، جۇرگىزۋشىلەر اراسىنداعى ءتارتىپتى جاقسارتۋعا سەپتىگىن تيگىزەدى، – دەدى ءانۋار بايمۇحانوۆ.