2013 جىلى شيپاجاي ديرەكتورى "قازاقستان" شيپاجايدىڭ بارلىق مۇلكىن كەپىلگە قويىپ، كىرىستى جاساندى تۇردە ارتتىرىپ، عيماراتتاردى جوندەۋگە 2،6 ميلليارد تەڭگە نەسيە العان.
الماتى پروكۋرورلارى «قازاقستان» شيپاجايىن مەملەكەت مەنشىگىنە قايتاردى، دەپ حابارلايدى Almaty-akshamy.kz
2021 جىلى 700 ميلليون تەڭگەدەن استام قارجىنى جىمقىرعانى ءۇشىن ديرەكتور مەن باسقا دا تۇلعالار ءتۇرلى مەرزىمگە باس بوستاندىعىنان ايىرىلدى.
نەسيە بەرۋ كەزىندە بانك شيپاجايدىڭ تولەم قابىلەتتىلىگىنە تالداۋ جۇرگىزبەگەنى انىقتالدى. وسىعان قاراماستان 2022 جىلى سوتپەن جالپى 3 ملرد تەڭگە قارىزدى ءوندىردى.
الماتى قالاسى پروكۋراتۋراسىنىڭ اپەللياسيالىق شاعىمى بويىنشا ءبىرىنشى ساتىداعى سوتتىڭ شەشىمى وزگەرتىلىپ، بۇل سوما 1،8 ملرد تەڭگەگە دەيىن قىسقارتىلدى.
ءوز كەزەگىندە مەدەۋ اۋدانىنىڭ پروكۋراتۋراسى كەپىل شارتىنىڭ زاڭسىزدىعى مەن جارامسىزدىعىنا بايلانىستى ونى جارامسىز دەپ تانۋ تۋرالى سوتقا جۇگىندى.
«12.12.2023 ج. پروكۋروردىڭ تالاپ ارىزى الماتى قالاسى امەس-پەن قاناعاتتاندىرىلدى. وسىلايشا، پروكۋراتۋرانىڭ شارالارىمەن قۇنى 7 ميلليارد تەڭگەدەن اساتىن مەملەكەتتىك ساناتوريي زاڭسىز كەپىلدەن الىنىپ، ونىڭ قارىزى 1،2 ميلليارد تەڭگەگە قىسقاردى»، دەلىنگەن الماتى قالاسىنىڭ پروكۋراتۋراسى تاراتقان اقپاراتتا.