كۋرستى ورتالىقتىڭ وقۋ باعدارلاماسىنا ەنگىزۋ ۇلكەن ماڭىزعا يە
ەكىجاقتى ىنتىماقتاستىق اياسىندا قورعانىس مينيسترلىگىنىڭ بىتىمگەرلىك دايىندىق ورتالىعىنا يتاليا حالىقارالىق توبىنىڭ ماماندارى مايور اندرەا تريەۆيسسون مەن شەبەر سەرجانت ەنريكو دە سيلۆا تانىستىرۋ ساپارىمەن كەلدى، دەپ حابارلايدى Almaty-akshamy.kz.
كەزدەسۋ بارىسىندا بۇۇ-نىڭ "UNCIMIC" اسكەري-ازاماتتىق ءوزارا ءىس-قيمىل جونىندەگى پيلوتتىق كۋرسىن بىتىمگەرلىك دايىندىق ورتالىعىنىڭ بازاسىندا وتكىزۋ ماسەلەلەرى قارالدى.
– كۋرستى ورتالىقتىڭ وقۋ باعدارلاماسىنا ەنگىزۋ ۇلكەن ماڭىزعا يە. جانجال ايماعىندا بىتىمگەرلەر ءارتۇرلى ۇيىمدارمەن، سونىڭ ىشىندە جەرگىلىكتى بيلىك ورگاندارىنىڭ وكىلدەرىمەن جانە تۇرعىندارمەن تىعىز جۇمىس ىستەۋى كەرەك. ميسسيانىڭ ءساتتى ورىندالۋى كوبىنەسە ولارمەن ءوزارا ءىس-قيمىل جاساۋ قابىلەتىنە بايلانىستى، – دەپ اتاپ ءوتتى بىتىمگەرلىك دايىندىق ورتالىعى باسقارماسىنىڭ باستىعى پولكوۆنيك ديليا احمەتوۆا.
يتالياندىق ماماندار پيلوتتىق كۋرستى وتكىزۋگە جاردەمدەسۋگە، بۇۇ ميسسيالارىن ورىنداۋ كەزىندە العان وقۋ ماتەريالدارى مەن تاجىريبەلەرىن بولىسۋگە دايىن ەكەنىن جەتكىزدى.