Mercedes كولىگىن “بۋران-001” پاترۋلدىك ەكيپاجى توقتاتقان.
جۇرگىزۋشى جالعان مەملەكەتتىك تىركەۋ نومىرلىك بەلگىسىن پايدالانۋ دەرەگىن مويىندادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
جالعان نومىرلەر ارقىلى ەر ادامنىڭ جول قوزعالىسى ەرەجەسىن جۇيەلى تۇردە بۇزعانى انىقتالدى. ايىپپۇلدىڭ جالپى سوماسى 250 مىڭ تەڭگەدەن استى. سونىمەن قاتار جەرگىلىكتى پوليسيا قىزمەتىندە وسى جىلدىڭ 10 ايىندا “قورعاۋ – ءقاۋىپتى جۇرگىزۋشى” جۇيەسى الماتى جولدارىندا 11 مىڭعا جۋىق جول قوزعالىسى ەرەجەسىن بۇزۋ دەرەگىن تىركەلگەنىن، ونىڭ ىشىندە جالعان متنب-مەن كولىك جۇرگىزۋ – 431، كولىك قۇرالدارىن باسقارۋ قۇقىعىنان ايىرىلعان ادامداردىڭ باسقارۋىمەن 122ء-ى انىقتالعانىن اتاپ ءوتتى.
كۇن سايىن “قورعاۋ – ءقاۋىپتى جۇرگىزۋشى” دەرەكتەر بازاسىنا ساقتاندىرۋ ءپوليسى جوق شەتەلدىك تىركەۋدەن وتكەن متنب جانە جالعان مەملەكەتتىك تىركەۋ نومىرلىك بەلگىسى بار كولىكتەر تۋرالى مالىمەتتەردى ەنگىزۋ جۇمىستارى جۇرگىزىلۋدە. سونىمەن قاتار، بولىمشەنىڭ مالىمەتىنشە، قالادا كولىكتەرگە ارنايى دابىل بەرۋ قۇرىلعىلارىن ورناتقان كولىك جۇرگىزۋشىلەرىن، كولىك قۇرالدارىن ماس كۇيىندە باسقارعان ادامداردى جاۋاپكەرشىلىككە تارتۋ بويىنشا ماقساتتى جۇمىستار جالعاسۋدا.