قالا بويىنشا بيىل بارلىعى 350 مىڭعا جۋىق كوشەت وتىرعىزۋ جوسپارلانعان. باستى نازار الاتاۋ، جەتىسۋ، تۇركسىب اۋداندارىنا اۋدارىلادى. وسىلايشا «جاسىل الماتى» ناۋقانى اياسىنداعى 1 ملن اعاش وتىرعىزۋ بويىنشا ءۇش جىلدىق كورسەتكىشكە قول جەتكىزىلەدى، دەپ حابارلايدى اlmaty-akshamy.kz
بۇگىندە 633 مىڭ اعاش وتىرعىزىلىپ، جالپى اۋدانى 404،11 گا اۋماق كوگالداندىرىلدى. قالادا وتىرعىزىلاتىن اعاش تۇرلەرى عىلىمي قاۋىمداستىق پەن لاندشافت ساراپشىلارىنىڭ قاتىسۋىمەن كليماتتىق جانە توپىراق ەرەكشەلىكتەرىنە قاراي تاڭداپ الىنادى.
اتاپ وتەرلىگى، بۇگىندە اۋقىمدى كوگالداندىرۋ جۇمىستارىنىڭ قارقىندى جۇرگىزىلۋىمەن قاتار جالپى كوگالداندىرۋ ساياساتى دا تۇبەگەيلى وزگەردى. باستى نازار باقىلاۋسىز اعاش وتىرعىزۋلاردان جاسىل قوردى ەمدەۋ، بيواركەلكىلىكتى ساقتاۋعا قاراي اۋىستى. جاسىل جەلەكتى سۋارۋ جۇمىستارىن كۇشەيتۋ ءۇشىن جاڭا سۋ ۇڭعىمالارى سالىنىپ، ارىق جۇيەسى تۇگەندەلدى. سونىمەن قاتار اعاشتاردىڭ جەرسىنۋىن جاقسارتۋ ءۇشىن سۋارۋ جۇيەسىندە 27 سۋ جيناعىش توعان قۇرىلىسى جوسپارلانعان.
الماتى قالاسى اكىمدىگىنىڭ باسپا ءسوز قىزمەتى