ونلاين نەسيە بەرۋ، سايتتار ارقىلى تۇتىنۋ تاۋارلارىنا تاپسىرىس بەرۋ. ەكىنشىدەن، شوتتاردان اقشا ۇرلاۋ، بۇل جاعدايدا قىلمىسكەرلەر وزدەرىن بانك قاۋىپسىزدىك قىزمەتكەرلەرى رەتىندە كورسەتەدى. ۇشىنشىدەن، اقشانى ءارتۇرلى جوبالارعا، ويىندارعا، ينۆەستيسيالارعا، ت.ب. “ءتيىمدى” اقشا سالۋ.
الماتى پوليسەيلەرى ينتەرنەت-الاياقتىقتىڭ تۇرلەرىن ەسكە سالادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«بۇگىنگى تاڭدا ازاماتتاردىڭ كوپشىلىگىنىڭ ءومىرىن ۇيالى تەلەفونسىز جانە ينتەرنەت جەلىسىنسىز ەلەستەتۋ قيىن. تاماققا تاپسىرىس بەرۋ، تاۋارلاردى، شوتتاردى تولەۋ، ت.ب. ارەكەتتەردى ۇيدە وتىرىپ-اق جاساۋعا بولادى. كەيبىر ادامدار ءۇشىن بۇل ۋاقىتتى ۇنەمدەۋگە جانە ءومىردى جەڭىلدەتۋگە تاماشا مۇمكىندىك بولسا، باسقا “كاسىپكەر” ازاماتتار ءۇشىن الاياقتىق ارەكەتتەرگە ۇلكەن ءورىس اشىلادى. جىلدىڭ باسىنان بەرى قالادا 207 ينتەرنەت-الاياقتىق تىركەلدى. وتكەن جىلدىڭ سايكەس كەزەڭىمەن سالىستىرعاندا 3،3 ەسەگە ازايدى. دەگەنمەن، ءالى دە بولسا دابىل قاعىپ، ازاماتتاردىڭ نازارىن قاۋىپسىزدىك شارالارىنا اۋدارۋ قاجەت، بۇل تۋرالى الەۋمەتتىك بەينەروليكتەر جانە باسقا دا بروشيۋرالار، جادىنامالار، ت.ب. كورنەكى ۇگىت-ناسيحات ارقىلى بىرنەشە رەت ايتقان بولاتىنبىز. وتكەن جىلى شاھاردا 97 ينتەرنەت-الاياقتار ۇستالدى»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
ينتەرنەت-الاياقتىقتىڭ الدىن الۋ جانە كيبەرقىلمىسقا قارسى كۇرەس بولىمشەلەرىنىڭ جۇمىسىنىڭ تيىمدىلىگىن ارتتىرۋ ماقساتىندا اعىمداعى جىلى ءبىرقاتار پروفيلاكتيكالىق ءىس-شارالار جوسپارلانۋدا. سونىڭ ىشىندە LED-ەكرانداردا، بيلبوردتاردا پروفيلاكتيكالىق اقپاراتتى ورنالاستىرۋ، وسى ماسەلەنى باق-تا كەڭىنەن كورسەتۋ، سونداي-اق الاياقتاردىڭ قۇربانى بولماۋ تۋرالى سمس حابارلامالار جىبەرۋ، ت.ب. بار.