قازاقستاندا كوروناۆيرۋسقا بايلانىستى شەكتەۋلەر الىنىپ تاستالعاننان كەيىن تۋريستەر اعىنى ارتۋدا

ەلىمىزدىڭ تۋريستىك سالاسىنىڭ دامۋ قارقىنى جامان ەمەس

«Kazakh Tourism»ء-نىڭ حابارلاۋىنشا، تەك وتكەن ءبىر اپتانىڭ ىشىندە ەلىمىزگە 3،5 مىڭنان اسا شەتەلدىك كەلگەن. وتاندىق تۋريستىك سالاعا قولداۋ شارالارى جەتىلدىرىلۋدە. بۇگىندە 191 جوبادان تۇراتىن پۋل ماقۇلدانعان. ينۆەستيسيانىڭ جالپى كولەمى 3 ترلن تەڭگەگە جۋىق، دەپ حابارلايدى Almaty-akshamy.kz 

«ساپا بەلگىسى» باعدارلاماسى بەكىتىلدى. بالالار مەن جاسوسپىرىمدەر ءتۋريزمى، اگروتۋريزم، جىبەك جولى باعىتتارى بويىنشا 3 300 تۋريستىك نىسانعا تالداۋ جۇرگىزىلدى. «Kazakh Tourism» قازاقستانعا حالىقارالىق شارالاردى تارتۋ باعىتىندا دا جۇمىس ىستەيدى. بۇگىندە 2022-2025 جىلدارعا 5 مىڭ شەتەلدىك دەلەگاتتىڭ قاتىسۋىمەن ىسكەرلىك ءتۋريزمنىڭ 12 شاراسى ماقۇلداندى. ونىڭ ءاربىر ەكىنشىسى تۋريستىك الەۋەتتى ىلگەرىلەتۋگە ارنالعان. بۇل رەتتە سيفرلىق ماركەتينگ پەن پيار قۇرالدارىنا باسىمدىق بەرىلەدى»، - دەيدى «Kazakh Tourism» ۇك باسقارما ءتوراعاسى تالعات امانبايەۆ. 

شەتەلدە جوعارى باعاعا يە بولعان قازاقستاندىق تۋريستىك نىساندار از ەمەس، وتاندىق بىرنەشە قوناق ءۇي «Lonely Planet» جاھاندىق باسپا ءۇيىنىڭ نۇسقاسى بويىنشا ۇزدىك دەپ تانىلعان. ال «Telegraph» باسىلىمى قازاقستاندى «قارقىندى دامۋشى دەستيناسيا» دەپ تانىپ، الماتى قالاسىن 2022 جىلعى بيۋدجەتتىك باعدارلار قاتارىنا ەنگىزدى. «كولساي كولدەرى» ۇلتتىق پاركى مەن ساتى اۋىلى «الەمدىك اۋىل ءتۋريزمى» نوميناسياسىندا وزىق شىقتى.