الماتىدا كوكونىس ساتاتىن دۇكەن ورتەنىپ، ەكى گاز باللونى جارىلدى

زارداپ شەككەندەر جوق.

الماتى قالاسىندا كوكونىس ساتاتىن دۇكەن ورتەنىپ، 2 گاز باللونى جارىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

الماتى قالالىق توتەنشە جاعدايلار دەپارتامەنتىنىڭ باسپا ءسوز قىزمەتىنەن ءمالىم ەتكەندەي، 5 جەلتوقسان، تۇنگى ساعات 23:19-دا بوستاندىق اۋدانى تىلەندييەۆ كوشەسى، № 363/1 مەكەنجايىندا ءورت شىققانى تۋرالى حابارلاما تۇسكەن.

«ءورت سوندىرۋشىلەر وقيعا ورنىنا 5 مينۋتتا جەتتى. ماماندار اۆتوتۇراقتىڭ اۋماعىندا ورنالاسقان كوكونىس ساتاتىن دۇكەننىڭ جانىپ جاتقانىن انىقتادى. ءورت سوندىرۋشىلەر كەلگەنگە دەيىن جوعارى تەمپەراتۋراعا بايلانىستى ءبىر گاز باللونى جارىلدى، ەكىنشى باللون ءورت سوندىرۋشىلەر كەلگەن كەزدە جارىلدى. ءورت سوندىرۋشىلەر جانىپ جاتقان عيماراتتان قاۋىپسىزدىك تەحنيكاسىن ساقتاي وتىرىپ، 50 ليترلىك 2 گاز باللونىن الىپ شىقتى»، – دەپ حابارلادى قالالىق توتەنشە جاعدايلار دەپارتامەنتىنەن.

ۆەدومستۆو مالىمەتىنشە، زارداپ شەككەندەر جوق، اۆتوتۇراقتا تۇرعان كولىكتەر ءورت پەن جارىلىستان امان. جالىن 4 مينۋتتا وقشاۋلاندىرىلىپ، 23:36 مينۋتتا تولىق ءسوندىرىلدى. وقيعانىڭ ءمان-جايى انىقتالىپ جاتىر. ءورتتىڭ شىعۋىنا كىنالىلەر ق ر اكىمشىلىك قۇقىقبۇزۋشىلىق تۋرالى جانە قىلمىستىق كودەكستەرگە سايكەس جاۋاپقا تارتىلماق.