الماتىدا ق ر ىشكى ىستەر مينيسترلىگنىڭ م. ەسبولاتوۆ اتىنداعى اكادەميادا قوعامدىق قاۋىپسىزدىكتىڭ «سەرۆيستىك مودەلىنە» كوشۋ ماسەلەسى بويىنشا مامانداندىرىلعان سەمينار-ترەنينگتەر وتۋدە دەپ حابارلايدى almaty-akshamy.kz
الماتى قالاسى اكىمىنىڭ ورىنباسارى ەرجان باباقۇماروۆ سەميناردى اشا وتىرىپ، پوليسيانىڭ «سەرۆيستىك مودەلىن» ەنگىزۋ جۇمىستارى مەملەكەت باسشىسىنىڭ جولداۋىن ورىنداۋ اياسىندا جۇرگىزىلىپ جاتقانىن اتاپ ءوتتى. باستى مىندەت – حالىقپەن بىرلەسكەن جۇمىستى كۇشەيتۋ ارقىلى قىلمىستىڭ الدىن الۋدىڭ تيىمدىلىگىن ارتتىرۋ.
سەرۆيسكە باعىتتالعان پوليسيا قىزمەتى – بۇل پوليسيا مەن قوعامعا جاڭا ادىستەردى قولدانۋ ارقىلى قىلمىستىڭ، قۇقىق قورعاۋ جانە قاۋىپسىزدىك ماسەلەلەرىن ىنتىماقتاستىقپەن شەشۋگە مۇمكىندىك بەرەتىن مودەل.
بۇگىندە الماتىدا «سەرۆيستىك پوليسيانى» ەنگىزۋدىڭ پيلوتتىق اۋماعى شاعىن اۋدان دەڭگەيىنەن الاتاۋ اۋدانىنا دەيىن (اۋداندا 300 مىڭنان استام ادام تۇرادى) ۇلعايدى. سوندىقتان اتالعان اۋماقتى كارتاعا دۇرىس ءتۇسىرۋ، قۇقىق بۇزۋشىلىقتىڭ الدىن الۋ مەن قوعامدىق قاۋىپسىزدىكتى نىعايتۋدىڭ قوسىمشا شارالارىن تالداۋ جانە ازىرلەۋ ماقساتىندا ۆەدومستۆوارالىق جۇمىس توبىنىڭ مۇشەلەرى ءۇشىن سەمينار-ترەنينگتەر وتكىزىلەدى.
سەمينار-ترەنينگتىڭ ماقساتى – ۆەدومستۆوارالىق جۇمىس توبىنىڭ مۇشەلەرىن پوليسيا قىزمەتىندەگى زاماناۋي الەمدىك تاسىلدەرگە، دەرەكتەرمەن جۇمىس جاساۋعا،سونداي-اق «پوليسيانىڭ سەرۆيستىك مودەلى» تۇجىرىمداماسى اياسىندا حالىقپەن ءوزارا ءىس-قيمىل بويىنشا ارەكەت ەتۋگە وقىتۋ.
ۆەدومستۆوارالىق جۇمىس توبىنىڭ قۇرامىنا قالالىق باسقارمالاردىڭ، الماتى قالاسى پوليسيا دەپارتامەنتىنىڭ، پروكۋراتۋرانىڭ جانە ۇەۇ وكىلدەرى كىرەدى. سەمينارعا قوعام قايراتكەرى، ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) پوليسيا رەفورماسى جونىندەگى كەڭەسشىسى ەلميرا حيسامۋتدينوۆا قاتىستى.
ەسكە سالساق، بۇرىندارى، اعىمداعى جىلدىڭ ماۋسىم-قاراشا ايلارىندا «پوليسيانىڭ سەرۆيستىك مودەلى» الماتى قالاسىنىڭ ەكى اۋدانىندا ىسكە قوسىلدى، ولار: بوستاندىق اۋدانىنىڭ «كەرەمەت» تك جانە الاتاۋ اۋدانىنىڭ «وجەت» شاعىن اۋدانى. پيلوتتىق جوبانى ىسكە اسىرۋ قورىتىندىلارى ونىڭ ءتيىمدى ەكەنىن كورسەتتى.