ءدىن قىزمەتكەرلەرى وقۋشىنىڭ جاساعان ءىسى بالالار تۇرماق، ەرەسەكتەرگە دە ۇلگى ەكەنىن ايتتى
الماتىدا مەشىت تازالاۋمەن اينالىسقان وقۋشىعا يمام ۆەلوسيپەد تارتۋ ەتتى، دەپ حابارلايدى Almaty-akshamy.kz Azattyq Ruhy-نا سىلتەمە جاساپ.
وقۋشىنىڭ اناسى الاتاۋ اۋدانىنا قاراستى دارحان مەشىتىنىڭ تازالىعىنا جاۋاپتى بولعان. مۇراتبەك ەسىمدى وقۋشى جاماعاتتىڭ تازا جەردە ناماز وقۋىن ءوز موينىنا العان.
«مۇراتبەكتىڭ اناسى مەشىت تازالايدى. مەشىتىمىز تازا بوپ تۇراتىن بولسا، سونىڭ ىشىندە مۇراتبەكتىڭ 50 پايىز ۇلەسى بار. تاراۋىققا شىعىپ بارا جاتقاندا ۇنەمى ءبىر جاعداي قايتالاناتىنىن كورەمىن. باسقا بالالاردىڭ شاشىپ جۇرگەن نارسەسىن بۇل جيناپ جۇرەدى. ول دا بالا عوي. اناسىنىڭ شاڭسورعىشىنا سۋ قۇيىپ الىپ، استىنا قاراي ءتۇسىپ كەلە جاتادى. استىڭعى قاباتتى تازالاۋ ءۇشىن ءبىز ناماز وقىپ بولعاننان كەيىن كەلەدى»، - دەدى يسلامتانۋشى ايدوس شاراپاتبەك ۇلى.
ءدىن قىزمەتكەرلەرى مۇراتبەك ەسىمدى وقۋشىنىڭ جاساعان ءىسى بالالار تۇرماق، ەرەسەكتەرگە دە ۇلگى ەكەنىن ايتتى.
«ءبىزدىڭ ىستەي الماي جۇرگەنىمىزدى ىستەپ ءجۇر. سوسىن ءقادىر تۇنىندە ءبىر ءبۇلدىرشىندى قۋانتساق دەپ ويلاندىق. كەيدە ول دا بالالارمەن ويناپ كەتەدى. اناسى «ءاي» دەگەن كەزدە، ءوزىن جيىپ الىپ، تازالىققا قايتا كىرىسەدى. دارەتحانانى دا وسى بالا تازالاپ ءجۇر. اللا تاعالا رازى بولسىن»، - دەدى وقۋشىعا باعالى سىيلىقتى تارتۋ ەتكەن مەشىت قىزمەتكەرى، تەولوگ ايدوس شاراپاتبەك ۇلى.