ق ر قارجى ءمينيسترى ەرۇلان جاماۋبايەۆ ءموبيلدى اقشا اۋدارىمدارى قالاي زاڭداستىرىلاتىنىن ءتۇسىندىردى، دەپ حابارلايدى almaty-akshamy.kz قازاقپاراتقا سىلتەمە جاساپ.
«قارجى مينيسترلىگى ءتيىستى مۇددەلى مەملەكەتتىك ورگاندارمەن جانە بيزنەس-قارجىگەرلەر قاۋىمداستىعىمەن بىرلەسە وتىرىپ، موبيلدىك اۋدارىمداردى رەتتەۋگە قاتىستى زاڭ نورمالارىن ازىرلەگەن بولاتىن. ول ءقازىر پارلامەنتتىڭ قاراۋىندا جاتىر»، - دەگەن مينيستر وزگەرىستىڭ ءمانىن بىلاي دەپ ءتۇسىندىردى:
«وزدەرىڭىز بىلەسىزدەر، جەكە كاسىپكەرلەر كاسىپكەرلىكپەن اينالىسقاندا دا، جەكە اۋدارىمدار جاساعاندا دا، قاراجاتتارى ءبىر شوتتا ارالاسىپ كەتىپ جاتىر. بۇل جالپى اكىمشىلەندىرۋگە مۇمكىندىك بەرمەيدى. سوندىقتان ءبىز زاڭ اياسىندا كاسىپكەرلىكپەن اينالىسقانداردان جەكە شوت اشۋدى تالاپ ەتەمىز جانە جەكە اۋدارىمدار جۇرگىزۋگە ارنايى بولەك شوت ۇستاۋى كەرەك. ياعني، ءبىز وسىنداي تەتىكتەردى بانكتەرمەن، بيزنەس قاۋىمداستىعىمەن بىرلەسىپ قاراستىرىپ جاتىرمىز. ونى بىرتىندەپ ەنگىزەمىز»، - دەدى ۆەدومستۆو باسشىسى.
ەرۇلان جاماۋبايەۆ اتالعان وزگەرىستىڭ قاراپايىم ازاماتتارعا قاتىسى جوق ەكەنىن قايتالاپ ەسكە سالدى.
«بۇل جەردە ايتا كەتەتىن نەگىزگى ءبىر ماسەلە – حالىق تاراپىنان الاڭداۋ بولماۋى كەرەك. سەبەبى ازاماتتاردىڭ قولدانىپ جۇرگەن كارتا شوتتارى ساقتالادى. ولاردىڭ كۇندەلىكتى ءوزارا بىر-بىرىنە اۋدارىپ جۇرگەن اقشالارىنا ەشقانداي نۇقسان كەلمەيدى. ياعني، بۇكىل پروسەسس سول كۇيىندە ساقتالادى. الدىندا دا ايتقانىمىزداي، ءموبيلدى اۋدارىمداردى فيسكالداۋ ءۇشىن عانا زاڭعا بىرتىندەپ وزگەرىستەر ەنگىزەمىز. ق ر ۇلتتىق بانكى جيناقتاپ وتىرعان مالىمەت بويىنشا، 8 ايدا موبيلدىك اۋدارىمدار ارقىلى جانە ينتەرنەت جەلىسى ارقىلى جۇرگىزىلگەن اۋدارىمدار مەن تولەمدەردىڭ جالپى كولەمى 36 ترلن تەڭگەنىڭ ماڭايىندا قالىپتاسىپ وتىر. بۇل وتە قوماقتى سوما»، - دەدى قارجى ءمينيسترى.