الماتى قالاسى پوليسيا دەپارتامەنتىنىڭ كيبەرقىلمىسقا قارسى ءىس-قيمىل باسقارماسى "كيبەرالاياقتىققا قارسى ءىس-قيمىل سالاسىنداعى ەڭ سەنىمدى سەرىكتەس" نوميناسياسىندا ءبىرىنشى ورىندى يەلەندى، - دەپ حابارلايدى Aqshamnews.kz.
ماراپاتتاۋ "ورتالىق ازيا فينتەح" ءسامميتى اياسىندا ءوتتى. اتالعان الاڭ ءداستۇرلى تۇردە وڭىردەگى سيفرلىق ەكونوميكانىڭ دامۋى مەن قاۋىپسىزدىگىن قامتاماسىز ەتەتىن جەتەكشى ساراپشىلار مەن ۇيىمداردى بىرىكتىرەدى. قازىلار القاسى الماتىلىق كيبەرپوليسيانىڭ كيبەرقىلمىستاردىڭ الدىن الۋ، انىقتاۋ جانە اشۋداعى جۇيەلى جۇمىسىنىڭ، سونداي-اق قارجى ينستيتۋتتارى، IT-كومپانيالار جانە قوعامدىق ۇيىمدارمەن ءوزارا ءتيىمدى ارىپتەستىگىن جوعارى باعالادى. ساراپشىلار اقپارات الماسۋدىڭ جەدەلدىگى مەن تيىمدىلىگىن، اناليتيكالىق قولداۋدىڭ ساپاسىن، ينسيدەنتتەرگە دەر كەزىندە دەن قويۋدى جانە ازاماتتاردى زاڭسىز ونلاين-ترانزاكسيالاردان، فيشينگتەن جانە ينتەرنەت-الاياقتىقتىڭ وزگە دە تۇرلەرىنەن قورعاۋعا باعىتتالعان كەشەندى شارالاردى ەرەكشە اتاپ ءوتتى.
– بۇل ماراپات – تەك قۇرمەت بەلگىسى ەمەس، سونىمەن بىرگە «زاڭ جانە ءتارتىپ» قاعيداتىنىڭ باسىم باعىتتارىنا ساي كەلە وتىرىپ، ءبىزدىڭ تاڭداعان باعىتىمىزدىڭ دۇرىستىعىن دالەلدەيتىن ماڭىزدى كورسەتكىش. سيفرلىق ورتاداعى ازاماتتاردىڭ قاۋىپسىزدىگىن قامتاماسىز ەتۋ – ستراتەگيالىق مىندەت. سوندىقتان ءبىز قارجى ۇيىمدارىمەن، IT-سەكتورىمەن جانە قوعاممەن ءوزارا ءىس-قيمىلدى جۇيەلى تۇردە كۇشەيتىپ كەلەمىز. كيبەرالاياقتاردىڭ ادىس-تاسىلدەرى كۇن سايىن وزگەرۋدە. سول سەبەپتى ءبىز الدىن الۋ شارالارىن، حالىقتىڭ سيفرلىق ساۋاتتىلىعىن ارتتىرۋدى، جەدەل ارەكەت ەتۋدى جانە اناليتيكالىق مۇمكىندىكتەردى دامىتۋدى باستى نازاردا ۇستايمىز. ماقساتىمىز – الماتى تۇرعىندارىنىڭ سيفرلىق كەڭىستىكتە كەز كەلگەن ارەكەتتى ءقاۋىپسىز ورىنداۋىنا جاعداي جاساۋ. سامميت ۇيىمداستىرۋشىلارى مەن سەرىكتەستەرگە سەنىمى مەن جوعارى باعاسى ءۇشىن العىس ايتامىن. بۇل ماراپات ءبىزدىڭ ۇجىم ءۇشىن ازاماتتاردىڭ قاۋىپسىزدىگىن نىعايتۋ جانە كيبەرقىلمىستارعا قارسى كۇرەستى ودان ءارى ءتيىمدى جۇرگىزۋگە زور سەرپىن بەرەدى، – دەدى الماتى قالاسى پوليسيا دەپارتامەنتىنىڭ كيبەرقىلمىسقا قارسى ءىس-قيمىل باسقارماسىنىڭ باستىعى انەس قالدىبايەۆ.