2025 جىلعى 25 قاراشادا استانا قالاسىندا (قازاقستان) «الەم اۋەنى» حالىقارالىق ونەر فەستيۆالى اياسىندا ونەر مۋزەيىنىڭ سالتاناتتى اشىلۋ ءراسىمى ءوتتى. ءىس-شارا استانا قالاسى اكىمدىگى مەن تۇركى مادەنيەتى جانە مۇراسى قورىنىڭ بىرلەسىپ ۇيىمداستىرۋىمەن وتكىزىلدى، - دەپ حابارلايدى Aqshamnews.kz.
سالتانات بارىسىندا العاش رەت كەڭ اۋديتورياعا تۇركى الەمىنىڭ باي مۋزىكالىق جانە كوركەم مۇراسىن كورسەتەتىن ەكسپوناتتار، ينتەراكتيۆتى ايماقتار مەن سيرەك كەزدەسەتىن كوللەكسيالار ۇسىنىلدى.
اشىلۋ اياسىندا دۇنيەجۇزىنە تانىمال شەبەرلەر جاساعان مۋزىكالىق اسپاپتاردى رەسمي تاپسىرۋ ءراسىمى ءوتتى. عاسىرلىق داستۇرلەر مەن زاماناۋي شەبەرلىكتى ۇيلەستىرگەن بۇل اسپاپتار تۇركى مۋزىكالىق مادەنيەتىنىڭ الۋان تۇرلىلىگى مەن بايلىعىن پاش ەتەتىن بىرەگەي ونەر تۋىندىلارى رەتىندە جوعارى باعالاندى.
شارا جالعاسىندا «تۇركى مۋزىكالىق اسپاپتارى كورمەسىنىڭ» اشىلۋى ءوتتى. ەكسپوناتتاردا تۇركى حالىقتارىنىڭ مۋزىكالىق اسپاپتارىن جاساۋعا قاتىستى تاريحي، ەتنوگرافيالىق جانە ەستەتيكالىق مالىمەتتەر ۇسىنىلىپ، كەلۋشىلەرگە بۇل مۇرا تۋرالى عىلىمي ءارى كورنەكى تۇسىنىك الۋعا مۇمكىندىك بەرىلدى.
كۇن باعدارلاماسىنا تۇركى الەمىنىڭ بەلگىلى شەبەرلەرى وتكىزگەن شەبەرلىك ساعاتتارى دا ەنگىزىلدى. ساباق بارىسىندا قاتىسۋشىلارعا اسپاپ جاساۋ ۇدەرىسىنىڭ قىر-سىرى، ورىنداۋ ەرەكشەلىكتەرى جانە ءداستۇرلى تەحنيكالاردى ساقتاۋ جونىندە تاجىريبەلىك ءبىلىم ۇسىنىلدى.
ءىس-شارا تۇركى مادەنيەتى جانە مۇراسى قورىنىڭ تۇركى الەمىنىڭ مۋزىكالىق مۇراسىن ساقتاۋ جانە ناسيحاتتاۋ جولىنداعى جۇيەلى جۇمىستارى مەن سەرىكتەس ۇيىمدارمەن جەمىستى ىنتىماقتاستىعىنىڭ كەزەكتى ماڭىزدى ۇلەسى رەتىندە باعالاندى.