الماتىنىڭ قالا قۇرىلىسىن باقىلاۋ باسقارماسى روزىباكييەۆ كوشەسى، 63 مەكەنجايىندا ورنالاسقان ءىرى تەحنيكالىق قىزمەت كورسەتۋ ورتالىعىن بۇزۋ تۋرالى حابارلادى.
بۇعان دەيىن جوسپاردان تىس تەكسەرۋ بارىسىندا باسقارما «اقجول» ج ش س يەسىنە قاتىستى اكىمشىلىك شارالار قابىلداپ، انىقتالعان بۇزۋشىلىقتاردى جويۋ تۋرالى نۇسقاما بەرگەن بولاتىن.
الايدا نۇسقاما تالاپتارى ورىندالماعاندىقتان، وسى جىلدىڭ 13 قىركۇيەگىندە باسقارما الماتى قالاسى مامانداندىرىلعان اۋدانارالىق ەكونوميكالىق سوتىنا نىساندى بۇزۋ تۋرالى تالاپ-ارىز جىبەردى.
سوت پروسەسى اياقتالماسا دا، نىساننىڭ يەسى نىساندى ءوز ەركىمەن بۇزا باستادى.
ەستەرىڭىزگە سالا كەتەيىك، الماتى قالاسىنىڭ اكىمى ەربولات دوسايەۆتىڭ قۇرىلىس باقىلاۋىن كۇشەيتۋ تاپسىرماسى اياسىندا وتكەن جىلدان بەرى قالادا 49 زاڭسىز نىسان، ونىڭ ىشىندە «مەچتا»، KHAN، «الما گاردەن» تۇرعىن ءۇي كەشەندەرى جانە باسقا دا قۇرىلىستار تولىق نەمەسە جارتىلاي بۇزىلدى.