ول الماتىداعى بالۋان شولاق اتىنداعى سپورت سارايىندا وتەدى. بۇل ايتۋلى ءھام ءداستۇرلى جارىستىڭ قۇرمەتتى قوناعى - فەدور ەمەليانەنكو.
الەمگە «سوڭعى يمپەراتور» دەگەن لاقاپ اتپەن تانىس بولعان داڭقتى سپورتى «الاش پرايدتىڭ» نەگىزىن قالاعان دانيار قاسقاراۋوۆتىڭ شاقىرتۋىمەن كەلگەنى بەلگىلى. البەتتە ۇلكەن جارىستارعا شاقىرىلاتىن قوناقتار بولادى. ولار كەلەتىن ەلىنىڭ سپورتتىق الەۋەتىن، ۇيىمداستىرۋشىلاردىڭ اتى مەن سويىن، شەبەرلىگى مەن دارەجەسىن دە باعامدايدى. سول سەبەپتى جارىستىڭ دا سالماعى، دەڭگەيى ارتا تۇسەدى.
سۋرەت: sportplustv.kz
وسىعان دەيىن دە ءدۇبىرلى دودالار ۇيىمداستىرعان ءماجىلىس دەپۋتاتى ەلىمىزدەگى سپورت سالاسىن، ونىڭ ىشىندە جەكپە-جەك تۇرلەرىن دامىتۋعا ەرەكشە ۇلەس قوسىپ ءجۇر. وسىلايشا قازاقتىڭ داڭقىن دۇنيەجۇزىنە تانىتۋعا، ەل سپورتىنىڭ ەڭسەسىن كوتەرۋگە كۇش-جۇگەرىن جۇمساپ، حالقىمىزدىڭ سپورتتىق ابىرويىن وڭ ىقپال ەتىپ كەلەدى. ويتكەنى بۇعان دەيىن دە رەسپۋبليكالىق، حالىقارالىق جارىستاردىڭ جالاۋىن جەلبىرەتىپ، مىقتى جىگىتتەردىڭ تانىلۋىنا، شەت ەلدەردە ب ا ق سىناۋىنا سەپتىگىن تيگىزگەن. ەڭ باستىسى وسى شارالارعا مەملەكەتتىن قارجى بولىنبەيدى. كەرىسىنشە بەدەلدىڭ ارتۋىنا، تۋريستەر تارتۋىنا، ايتۋلى دودالاردىڭ وتۋىنە جول اشادى. جاقسىنىڭ جاقسىلىعىن ايتپاي كەتۋگە بولماس. كۇرەسكەر تەك قانا رينگ پەن توتاميدە ەمەس، حالىق ىسىنە دە ەتەنە ارالاساتىنى انىق. كەشەگى مۇستافا وزتۇرىك، بۇگىنگى اعا بۋىن داۋلەت تۇرلىحانوۆتار سىندى دانيار الدابەرگەن ۇلى دا ءوزىنىڭ كاسىبي جۇمىسىنان بولەك، ەل تۇرعىندارىنىڭ الەۋمەتتىك جاعدايىنىڭ دا جاقسارعانىن قالايدى.
الماتى ايماعىنان سايلانعان حالىق قالاۋلىسى قالانىڭ توڭىرەگىندە ورنالاسقان ەلدى مەكەندەردىڭ ينفراقۇرىلىمدىق ماسەلەلەرىن، اۋىز سۋ، جول مەن گازعا بايلانىستى تۇيتكىلدەرىن بيىك مىنبەرلەردەن كوتەرىپ، ولاردىڭ وڭ شەشىلۋىنە ءاردايىم ۇيىتقى بولىپ ءجۇر. جاقىندا عانا تۇتاس مەملەكەتتى ابىگەرگە تۇسىرگەن سۋ تاسقىنى كەزىندە دە اتىراۋ وبلىسىنا، ونىڭ ىشىندە كوپ زارداپ شەككەن قۇلسارى ەلدى مەكەنىنە ارنايى بارىپ قايتتى. ەل باسىنا كۇن تۋىپ، ەر ەتىگىمەن سۋ كەشكەن كەزەڭدە، قول قۋسىرىپ قالعان جان بالاسى جوق. كىشكەنتاي بالا، ەڭكەيگەن كارىگە دەيىن سىن ساعاتتا تىزە بىرىكتىردى. جۇدىرىقتاي جۇمىلعان تۇرعىندارعا جان-جاقتى قولداۋ جاسالدى. وسى قيىن كەزەڭدە بىلەك سىبانىپ جۇمىس اتقارعاندار قاتارىندا دا «Alash Pride» باسشىلارى باستاپ، قۇ دۇنگەندەر حالىق بىرلىگى، ماسانشى جاستارى دا بار بولاتىن. ولار قۇلسارىعا ارنايى بارىپ، جاعدايدى كوزبەن كوردى. ءجۇز توننا گۋمانيتارلدىق كومەكتەرىن اپارىپ، جۇرتقا تەڭدەي ءبولىپ بەرگەن. الماتىدان اسپازدار اپارىپ، توپان سۋمەن كۇرەسكەن قۇلسارىلىق اعايىنعا داستارحان جايىپ، ءىرى قارا مال جىعىپ، اس بەردى. ودان كەلە سالىپ Alash Pride FC 96 ءتۋرنيرىنىڭ ۇيىمداستىرۋ شارالارىن باستاپ كەتتى. بۇل اتقارىلىپ جاتقان ءىستىڭ ءبىر شيرەگى عانا. الداعى جوسپارلار دا اۋقىمدى.
سۋرەت: Aikyn.kz
سوندىقتان ەل ىسىنە ارالاسىپ، مەملەكەتتىك مۇددە جولىندا تەر توگىپ جۇرگەن ازاماتتاردىڭ ابىرويىنىڭ اسقاقتاي ءتۇسۋى حالىق ءۇشىن دە ماڭىزىن جويمايدى.