12 اقپانعا دەيىن وتەتىن جارىستا 6 جاستان 28 جاسقا دەيىنگى سپورتشىلار ب ا ق سىنايدى.
الماتىدا IV كەرلينگتەن قىسقى جاستار سپورت ويىندارى ءوتىپ جاتىر. بۇعان ەلىمىزدىڭ تۇكپىر-تۇكپىرىنەن سپورتشىلار جينالدى، دەپ حابارلايدى اlmaty-akshamy.kz.
قازاقستان رەسپۋبليكاسىنىڭ ءىV قىسقى كەرلينتەن جارىسى ءداستۇرلى تۇردە ۇيىمداستىرىلىپ كەلەدى. سپورتتىق ءىس-شاراعا قازاقستاننىڭ 10 وڭىرىنەن سايىسكەرلەر جينالدى. 12 اقپانعا دەيىن وتەتىن جارىستا 6 جاستان 28 جاسقا دەيىنگى سپورتشىلار ب ا ق سىنايدى. ەڭ ۇزدىك شىققاندار كەرلينگتىڭ ۇلتتىق قۇراما ساپىنا ىرىكتەلەدى. 2024 جىلى وڭتۇستىك كورەيادا وتەتىن دودادا ب ا ق سىنايتىن بولادى.
جارىستىڭ وتۋىنە قازاقستان كەرلينگ فەدەراسياسى تىكەلەي مۇرىندىق بولۋدا.
«ەلدە ەڭ كەنجە دامىعان قىسقى سپورت – كەرلينگ. بۇيىرسا، بۇنىڭ بويىنا دا قان جۇرگىزگىم كەلەدى. جاس سپورتشىلاردىڭ قىزىعۋشىلىعى ارتىپ، جانكۇيەرلەرى دە كوبەيىپ جاتىر. بۇنداي ىنتا بولسا، العا باسۋ مەن دامۋ بولادى»، – دەدى باس جاتتىقتىرۋشى ۆيكتور كيم.
رەسپۋبليكالىق سپورت دامىتۋ ديرەكسياسىنىڭ ساراپتامالىق-تالداۋ ءبولىمىنىڭ قىزمەتكەرى قىلىشبايەۆ ابىلايحان سپورتتىق ءىس-شارانىڭ ۇيىمداستىرىلۋى، جاسوسپىرىمدەر سپورتىنىڭ دامۋ باعىتتارى بويىنشا وي قوزعادى.
«ءبىز وسى كەرلينگ سايىسىنىڭ وتۋىنە جاۋاپتى ماماندار بولىپ سانالامىز. بيىلعى 1 -12 اقپان ارالىعىندا كەرلينگتەن جارىس وتۋدە. بۇل سايىسقا ەلدىڭ 10 وبلىسىنان 200-گە جۋىق سپورتشى قاتىسۋدا. ءبىر سوزبەن تۇيگەندە، وتكەن جىلدارمەن سالىستىرعاندا، قىزىعۋشىلىق ارتىپ كەلەدى»، – دەدى ول.