بۇگىن ناۋرىزباي اۋدانىنىندا الماتى قالاسى اكىمى ەربولات دوسايەۆتىڭ حالىقپەن كەزدەسۋى ءوتتى.
وندا «جايساڭ» تۇرعىن ءۇي كەشەنىنە قاتىستى ماسەلە كوتەرىلدى، دەپ حابارلايدى Almaty-akshamy.kz.
سۇراق:
– مەن زاڭگەرمىن، «جايساڭ» تۇرعىن ءۇي كەشەنىن سالۋشىنىڭ وكىلىمىن. مەنىڭ سۇراعىم بار: جوبا ماقۇلدانعان جوق، نەگە ول جەردە رۇقساتسىز زاڭسىز قۇرىلىس جۇرگىزىلىپ جاتىر دەگەن سىلتاۋمەن مەملەكەتتىك ورگاندار جاڭادان رۇقسات بەرمەيدى. نەلىكتەن جاڭا كەلىسىمشارت جاسالمايدى؟
بۇل سۇراققا قالالىق جوسپارلاۋ جانە ۋربانيستيكا باسقارماسىنىڭ باسشىسى الماسحان احمەدجانوۆ جاۋاپ بەردى.
«ارحيتەكتۋرالى جوسپارلاۋ تاپسىرماسى ءبىر عيماراتقا ارنالعان بولاتىن. باسقا نىسانعا قۇجاتتار بولمادى. قۇرىلىس سالۋشىنىڭ ءوزى رۇقساتتى قايتارىپ الدى، ءبىراق سوعان قاراماستان، قۇرىلىستى باستادى. نورماتيۆتىك قۇقىقتىق اكتىلەرگە سايكەس، الدىن الا رۇقساتتارى، ونىڭ ىشىندە مەملەكەتتىك ساراپتاماسى جوق وبەكتىلەر رۇقسات ەتىلمەگەن قۇرىلىس وبەكتىلەرىنە جاتقىزىلادى. سوندىقتان قازاقستان رەسپۋبليكاسىنىڭ اكىمشىلىك كودەكسىنە سايكەس بۇزۋ ماسەلەسى قارالدى. سوت ءتيىستى شەشىم شىعاردى»، - دەدى قالالىق جوسپارلاۋ جانە ۋربانيستيكا باسقارماسىنىڭ باسشىسى الماسحان احمەدجانوۆ.
قالا اكىمى دە وسى ماسەلەگە قاتىستى ءوز پىكىرىن ءبىلدىردى.
«بۇل ماسەلەنى زاڭ تۇرعىسىنان شەشۋدى ۇسىنامىن. سوت شەشىمىنە قارسىلىق بىلدىرگىڭىز كەلسە، اپەللياسيالىق شاعىم ءتۇسىرىڭىز. ەگەر اپەللياسيادان كەيىن سوت بىزگە ساۋلەت-جوسپارلاۋ تاپسىرماسىن ماقۇلداۋىن بەرۋدى تالاپ ەتسە، ءبىز ءوز تاراپىمىزدان ونى ورىندايمىز»، - دەدى الماتى قالاسىنىڭ اكىمى ەربولات دوسايەۆ.