الماتى ءماسليحاتىنىڭ كەزەكتەن تىس سەسسياسىندا قالانىڭ 2025-2027 جىلدارعا ارنالعان ءتيىستى بيۋدجەتى قابىلداندى. قالا ءۇشىن نەگىزگى باعىتتاردىڭ ءبىرى كولىك ينفراقۇرىلىمىن دامىتۋ بولىپ قالا بەرەدى، دەپ حابارلايدى aqshamnews.kz
ماسەلەن، بيۋدجەتتە 300 كم جولعا ورتاشا جوندەۋ جۇرگىزۋگە، 30 كم تروتۋارلارعا، ايالداما قالتالارى مەن الاڭدارىنا، سونداي-اق باسقا دا كولىك قۇرىلىستارىنا 35 ملرد تەڭگەدەن استام قارجى قاراستىرىلعان.
ەكولوگيالىق جاعدايدى جاقسارتۋ ماقساتىندا قالالىق قوعامدىق كولىكتى جاڭارتۋ بويىنشا جۇمىستار جالعاستىرىلاتىن بولادى. 2025 جىلعا ارنالعان بيۋدجەتتە گازبەن جۇرەتىن 600 اۆتوبۋس پەن 200 ەلەكترواۆتوبۋس ساتىپ الۋ كوزدەلگەن.
الماتى اكىمى ەربولات دوسايەۆتىڭ تاپسىرماسى اياسىندا قالاعا قوسىلعان جاس قانات، شۇعىلا، المەرەك، اقجار، راحات، مادەنيەت، بورالداي ش/ا اۋماقتارىندا جول قۇرىلىسى جالعاسادى.
وسىلايشا، جاڭا جولداردىڭ قۇرىلىسى 70 مىڭنان استام تۇرعىندى قامتي وتىرىپ، قالاعا قوسىلعان اۋماقتارعا كولىكتىك قىزمەت كورسەتۋدى ەداۋىر جاقسارتۋعا مۇمكىندىك بەرەدى.