الماتىدا كانىگى باۋكەسپە قولعا ءتۇستى

كۇدىكتىنىڭ سوڭعى ۇرلىعىنىڭ وزىنەن كەلتىرىلگەن ماتەريالدىق زالالدىڭ كولەمى ءبىر ميلليون تەڭگە.

الماتى پوليسەيلەرى كانىگى ۇرىنى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.

المالى اۋداندىق پوليسيا باسقارماسىنىڭ مالىمەتىنشە، 34 جاستاعى ەر ادام پلاستيكالىق تەرەزەنى قىسۋ ارقىلى پاتەرلەرگە كىرىپ، كوبىنەسە اشەكەي بۇيىمدار مەن اقشانى الىپ كەتكەن. كۇدىكتى سوڭعى ۇرلىعىن قالا ورتالىعىندا جاساعان. كەلتىرىلگەن زالال ءبىر ميلليون تەڭگەنى قۇرادى.

«ۇرى تۇرعىن ۇيگە كۇندىز، ءۇي يەلەرى جۇمىستا بولعان كەزدە كىردى. كۇدىكتى ۇستالدى. قازىرگى ۋاقىتتا ونىڭ وسىعان ۇقساس ءتورت ەپيزودقا قاتىسقاندىعى دالەلدەندى. كۇدىكتى ءوز ءىسىن مويىندادى. بارلىق فاكتىلەر بويىنشا قىلمىستىق ىستەر ق ر قك-نىڭ 188-بابى 3-بولىمىنە سايكەس قىلمىستىڭ نەگىزى بويىنشا ءبىر وندىرىسكە بىرىكتىرىلدى. كۇدىكتىگە قاتىستى ۇستاۋ تۇرىندەگى بۇلتارتپاۋ شاراسى قولدانىلدى. ونىڭ جەكە باسى قالانىڭ بارلىق اۋداندارىندا وسىعان ۇقساس قىلمىستارعا قاتىسى بار-جوعىنا تەكسەرىلەدى»، – دەدى المالى اۋداندىق پب باستىعىنىڭ ورىنباسارى ۆلاديمير رەشەتنيكوۆ.