قازاقستان مەن يتاليانىڭ ەكى ءىرى قالاسى – الماتى مەن ميلان تىكەلەي تۇراقتى رەيسپەن بايلانىستىرىلادى.
يتاليانىڭ قازاقستانداعى توتەنشە جانە وكىلەتتى ەلشىسى ماركو البەرتي قازاقستان مەن يتاليا اراسىندا تىكەلەي اۋە رەيسىنىڭ اشىلاتىن كۇنى تۋرالى ايتتى، دەپ حابارلايدى Almaty-akshamy.kz
«مامىر ايىنىڭ سوڭىندا الماتى مەن ميلان اراسىندا تۇراقتى اۋە قاتىناسى ورناتىلادى. ميلان – الماتى – ميلان تىكەلەي رەيسىن 2022 جىلدىڭ مامىر ايىنىڭ سوڭىنان باستاپ يتالياندىق جەكە لوۋكوستەر اۋە كومپانياسى تۇراقتى نەگىزدە ورىندايدى. قازاقستاندىقتار تۋريستىك ۆيزاعا قايتادان ەلشىلىككە جۇگىنە الادى. يتالياعا كىرۋ ءۇشىن سىزگە تەك پتر تەستى قاجەت. ۆاكسينالاۋ پاسپورتىنا مىندەتتى تالاپتار جوق. بايقايمىن، الماتى مەن ميلان كوپ جاعىنان ۇقساس. بۇل ەكى قالا - ءوز ەلدەرىندە بەيرەسمي مادەنيەت، ءسان، بيزنەس استانالارى. ەكى مەگاپوليس اراسىنداعى ىنتىماقتاستىق وسى رەيستىڭ اشىلۋىمەن تەك جاندانا تۇسەدى»، - دەدى يتاليانىڭ قازاقستانداعى ەلشىسى ماركو البەرتي.