قازاقستاندا كونتەينەر ءوندىرىسى جولعا قويىلادى

ءقازىر الەم ەلدەرى جۇكتەردى كونتەينەرلەرمەن تاسىمالداۋعا قارقىندى تۇردە كوشىپ جاتىر.

ق ر يندۋستريا جانە ينفراقۇرىلىمدىق دامۋ مينيسترلىگى «قازاقستان تەمىر جولى» ۇلتتىق كومپانياسىمەن بىرلەسىپ تاسىمال نارىعىنا مۇقيات تالداۋ جۇرگىزدى، دەپ حابارلايدى Almaty-akshamy.k ق ر يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ.

ەكسپورتتىق جۇكتەردى كونتەينەرلەۋدىڭ بولجامدى كولەمى جانە كونتەينەرلەرگە قاجەتتىلىك ايقىندالدى. 

بۇل تۋرالى ق ر ۇكىمەتى وتىرىسىندا ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ مالىمدەدى.

ءمينيستردىڭ ايتۋىنشا، باستاپقى كەزەڭدە 2 ملن توننا جۇكتى كونتەينەرلەندىرۋ جوسپارلانىپ وتىر. قىتايمەن شەكاراداعى كارانتيندىك شەكتەۋلەرگە بايلانىستى ەلىمىزدىڭ نەگىزگى كاسىپورىندارى - ارسەلورميتتال، ERG، قازمىرىش، قازحروم، قازمينەرالس جانە YDD ءوز جۇكتەرىن كونتەينەرلەۋگە قىزىعۋشىلىق ءبىلدىردى.

ەكسپورتتى تاسىمالداۋ ءۇشىن «قازاقستان تەمىر جولى»، يستكومترانس جانە Fesco كولىك كومپانيالارى جەتكىلىكتى كونتەينەرلىك پارك قۇرۋ ماسەلەسىن قاراستىرۋدا. سەريالىق ءوندىرىستى 2022 جىلدىڭ جەلتوقسانىندا جۇزەگە اسىرىپ، جىلىنا 10 مىڭ كونتەينەرگە دەيىن ءوندىرۋ جوسپارلانىپ وتىر. ماسەلەن، «قازاقستان ينجينيرينگ»، KLMZ «مەيكەر»، SMP Group جانە FESCO وتاندىق زاۋىتتار بازاسىندا 20 جانە 40 فۋتتىق كونتەينەرلەر، سونداي-اق رۋلوندى بولات پەن كەن جۇكتەرىنە ارنالعان كونتەينەرلەر ءوندىرىسىن جولعا قويۋ جۇمىسى جۇرگىزىلۋدە.

«ونەركاسىپتى دامىتۋ قورى» وتاندىق كونتەينەرلەردى وندىرۋشىلەر مەن ساتىپ الۋشىلار ءۇشىن جەڭىلدىكپەن كرەديت بەرۋ تەتىگىن ىسكە قوسادى.

جالپى، 22 ملن توننا ەكسپورتتىق جۇكتى كونتەينەرلەرگە قايتا باعدارلاۋ كوزدەلۋدە. بۇل قوسىمشا 117 مىڭعا جۋىق كونتەينەردى قاجەت ەتەدى.

وتاندىق ءوندىرىستى جولعا قويۋ كونتەينەرلەردىڭ جەتكىلىكتى پاركىن قالىپتاستىرۋعا، تاسىمالداردى كونتەينەرلەۋ ۇلەسىن 30%-عا دەيىن ارتتىرۋعا مۇمكىندىك بەرەدى.