الماتىدا جىلىتۋ ماۋسىمىنا دايىندىق كەستەگە سايكەس جۇرگىزىلۋدە

الماتىدا جىلۋ جەلىلەرىن سىناۋ جالعاسۋدا.

جىلىتۋ ماۋسىمىنا دايىندىق رەسۋرسپەن قامتاماسىز ەتەتىن كاسىپورىنداردىڭ كەستەلەرىنە سايكەس جۇرگىزىلۋدە. ەنەرگوكەشەننىڭ جىلۋ بەرۋ ماۋسىمىنا جالپى دايىندىعى، اعىمداعى جىلعى 9 قىركۇيەكتەگى جاعداي بويىنشا، 94% پايىزدى قۇرادى. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە الماتى قالالىق ەنەرگەتيكا جانە سۋمەن جابدىقتاۋ باسقارماسىنىڭ باسشىسى سانجار الين ايتتى، دەپ حابارلايدى Almaty-akshamy.kz.

سپيكەر اتاپ وتكەندەي، جىلۋ جەلىلەرىنىڭ دايىندىعى 97%-دى، ەلەكتر جەلىلەرىنىڭ دايىندىعى 83%-دى، گاز جەلىلەرىنىڭ دايىندىعى 100%-دى، سۋمەن جابدىقتاۋ جەلىلەرىنىڭ دايىندىعى 100%-دى، سۋ بۇرۋ جەلىلەرىنىڭ دايىندىعى 100%-دى، الماتىجىلۋجايەنەرگو قازاندىقتارىنىڭ دايىندىعى 85%-دى، الەس ەنەرگيا كوزدەرىنىڭ دايىندىعى 74%-دى قۇرايدى.

«قازىرگى تاڭدا جىلىتۋ ماۋسىمىنا ءبىلىم بەرۋ، دەنساۋلىق ساقتاۋ جانە كوپ پاتەرلى تۇرعىن ۇيلەردىڭ دايىندىعى 100%-دى قۇرايدى، - دەدى سانجار الين.

الماتىدا «اججە» كاسىپورنىمەن 110 توننا كومىر جانە 7،9 مىڭ توننا مازۋت دايىندالدى. «الەس» اق كاسىپورنىمەن 186،5 مىڭ توننا كومىر جانە 19،3 مىڭ توننا مازۋت ساقتالعان.

قالا تۇرعىندارىن ۇزدىكسىز ىستىق سۋمەن جانە جىلۋمەن قامتاماسىز ەتۋگە توقتالاتىن بولساق، باسقارما بوستاندىق (وڭتۇستىك قازاندىعى (80%)) جانە ناۋرىزباي («پرەمەرا» قازاندىعى (60%)) اۋداندارىنداعى 2 قازاندىقتى رەكونسترۋكسيالاۋ جۇمىستارىن جۇرگىزۋدە، جۇمىستار 2023 جىلى اياقتالادى، بۇل 300 مىڭ تۇتىنۋشىنى جىلۋمەن قامتاماسىز ەتۋگە مۇمكىندىك بەرەدى.

سونىمەن قاتار، قازاندىقتار مەن جىلۋ جەلىلەرىن قايتا جاڭارتۋدىڭ بەس جوباسى ازىرلەنۋدە. جوبالاۋ-سمەتالىق قۇجاتتاما ازىرلەۋدى 2022-2023 جىلدارى اياقتاۋ كوزدەلگەن (جەتىسۋ جانە تۇركسىب اۋداندارى).

سونداي-اق اعىمداعى جىلدىڭ 8 ايىندا12 كم جىلۋ جەلىسى قايتا جاڭارتىلىپ، 6 كم جەلى وقشاۋلاندى.

الماتى قالاسى وڭىرلىك كوممۋنيكاسيالار قىزمەتىنىڭ حابارلامالارى مەن ماتەريالدارىن تاراتۋ كەزىندە وكق-عا سىلتەمە جاساۋ مىندەتتى.