قالالىقتارعا جىلۋ جەلىلەرى ورنالاسقان جەرلەرگە كولىكتەرىن قويماۋ ۇسىنىلادى
قالانىڭ 8 اۋدانىنىڭ اۋماعىندا جىلۋ جەلىلەرىنە سىناق جۇرگىزىلەدى، دەپ حابارلايدى almaty-akshamy.kz «الماتى جىلۋ جۇيەسى» ج ش س سىلتەمە جاساپ. الماتى جىلۋ جۇيەسىنىڭ اقپاراتى بويىنشا، 31 تامىز-17 قىركۇيەك ارالىعىندا جىلۋ جۇيەلەرىنە گيدراۆليكالىق سىناق جۇرگىزىلەدى. وسى ارالىقتا قالا تۇرعىندارىنا قاۋىپسىزدىك ەرەجەلەرىن ساقتاپ، جىلۋ جۇيەلەرى جۇرگىزىلگەن جەرلەرگە اۆتوكولىكتەرىن قويماۋعا كەڭەس بەرىلەدى.
قالالىق جىلۋ كەشەنىن الداعى جىلىتۋ ماۋسىمىنا دايىنداۋ ماقساتىندا جىلۋ جەلىلەرىنىڭ جاعدايىن باعالاۋ جانە قۇبىرلاردىڭ پروبلەمالىق ۋچاسكەلەرىن انىقتاۋ ءۇشىن گيدراۆليكالىق سىناق جۇرگىزىلەدى.
الماتى جىلۋ جۇيەلەرى قاۋىپسىزدىك شارالارىنىڭ ساقتالاتىنىنا قاراماستان، جەردىڭ بەتىنە سۋ نەمەسە بۋدىڭ شىعۋى، جول جابىنىنىڭ بۇزىلۋى سياقتى شتاتتان تىس جاعدايلار بولۋى مۇمكىندىگىن ەسكەرتەدى.
اتالعان جۇمىستاردىڭ ناقتى قاي اۋدانداردا جانە قاي كۇندەرى جۇرگىزىلەتىنىن مىنا جەردەن وقۋعا بولادى.